தமிழ் சினிமாவில் முன்னணி நடிகைகளில் ஒருவராக இருந்தவர் நடிகை அமலா பால். அண்மையில் இவரது நடிப்பில் பாஸ்கர் ஒரு ராஸ்கல் படம் வெளியானது. இப்படத்தைத் தொடர்ந்து ராட்சசன், ஆடுஜீவிதம் ஆகிய படங்களில் விறுவிறுப்பாக நடித்து வருகிறார். இதற்கிடையில் பாலிவுட் படம் ஒன்றிலும் நடிக்கயிருக்கிறார். மேலும், அதோ அந்த பறவை போல என்ற புதிய படத்திலும் நடித்து வருகிறார். இப்படத்தின் படப்பிடிப்பு காடுகளைச் சுற்றிலும் படமாக்கப்பட்டு வருகிறது.
இந்த நிலையில், மேயாத மான் புகழ் ரத்ன குமார் இயக்கத்தில் அமலா பால் ஆடை என்ற படத்தில் நடித்து வருகிறார். இன்று, இப்படத்தின் ஃபர்ஸ்ட் லுக் போஸ்டர் வெளியாகியுள்ளது. இதனை இயக்குனர் வெங்கட் பிரபு வெளியிட்டுள்ளார். இந்த போஸ்டரில் அமலா பால், கிழிந்த ஆடையில் ரத்தக் காயங்களுடன் அழுதுக் கொண்டே இருப்பது போன்று அமைந்துள்ளது என்பது குறிப்பிடத்தக்கது.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
