சரண் இயக்கத்தில் உதயா – வித்தார்த் நடிப்பில் உருவாகி வரும் அக்னி நட்சத்திரம் படத்தில் பிரபல நடிகர் இணைந்திருக்கிறார்.
1988ல் மணிரத்னம் இயக்கத்தில், கார்த்திக்-பிரபு நடிப்பில் வெளியாகி மிகப்பெரிய வெற்றி பெற்ற படம் ‘அக்னி நட்சத்திரம்’. இந்த தலைப்பில் தற்போது உதயா – விதார்த் நடிப்பில் வித்தியாசமான க்ரைம் திரில்லராக புதிய கதைகளத்துடன் பிரம்மாண்டமாக உருவாக இருக்கிறது.
இப்படத்தை நாராயணமூர்த்தி, விஷ்ணுவர்தன், மோகன் ராஜா ஆகிய முன்னணி இயக்குனர்களுடன் பல வெற்றிப் படங்களில் இணை- துணை இயக்குனராக பணியாற்றிய சரண் இப்படத்தில் இயக்குனராக அறிமுகமாகிறார். இப்படத்தில் தற்போது நடிகர் விவேக் முக்கிய கதாபாத்திரத்தில் நடிக்க இருப்பதாக படக்குழுவினர் அறிவித்துள்ளனர்.
எல் கே விஜய் ஒளிப்பதிவில் உருவாகும் இப்படத்திற்கு ஒய் ஆர் பிரசாத் இசையமைக்கிறார். இப்படம் சென்னை, ஏலகிரி, வேலூர் மற்றும் கோவையில் இதன் படப்பிடிப்பு நடைபெற இருக்கிறது.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
