காமெடி நடிகர் சதீஷ், தனது திருமணத்தில் பங்கேற்குமாறு முதல்வர் எடப்பாடி பழனிசாமிக்கு அழைப்பு விடுத்த புகைப்படங்களை ட்விட்டரில் ஷேர் செய்துள்ளார்.
கோலிவுட்டில் சந்தானத்தை தொடர்ந்து நகைச்சுவை கதாபாத்திரங்களில் கலக்கி வருபவர் சதீஷ். அவருக்கும், சிந்து என்பவருக்கு அண்மையில் திருமணம் நிச்சயக்கப்பட்டது. மணப்பெண் சிந்து ’சிக்ஸர்’ பட இயக்குநர் சாச்சியின் தங்கை ஆவார். படப்பிடிப்பு பணியின் போது அவருடன் சதீஷுக்கு பழக்கம் ஏற்பட்டது. பின்னர் அது காதலாக மாற, அவர்களுக்கு திருமணம் செய்ய இரு வீட்டாரும் முடிவு செய்தனர்.
சதீஷின் திருமண தேதி குறித்த விவரங்கள் இதுவரை வெளியாகவில்லை. இந்நிலையில், தலைமைச் செயலகத்தில் முதல்வர் எடப்பாடி பழனிசாமி மற்றும் துணை முதல்வர் ஓ. பன்னீர்செல்வம் ஆகியோரை சதீஷ் நேரில் சந்தித்து, தன்னுடைய திருமண அழைப்பிதழை வழங்கியுள்ளார்.
அப்போது எடுக்கப்பட்ட புகைப்படங்களை ட்விட்டரில் வெளியிட்டுள்ளார் சதீஷ். அவரின் ட்வீட்டை பலரும் ரீட்வீட் செய்து வருகின்றனர்.
இதன்மூலம் ஒரு ரகசிய தகவல் கசிந்துள்ளது. அதாவது சதீஷ் – சிந்து திருமணம் வரும் டிசம்பர் 6ம் தேதி நடைபெறவுள்ளதாக கோலிவுட் வட்டாரத்தில் சொல்லப்படுகிறது. அதேபோல எதற்காக தனது திருமண தேதியை அறிவிப்பதில் நடிகர் சதீஷ் ஏன் மவுனம் காத்து வருகிறார் என்ற கேள்வியும் ரசிகர்கள் மத்தியில் எழுந்துள்ளது.
இருந்தாலும் விரைவில் தன்னுடைய திருமண தேதியை சதீஷ் அதிகாரப்பூர்வமாக அறிவிப்பார் என்று எதிர்பார்க்கின்றனர்.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!