தளபதி 64 படத்தில் சாந்தனு இணைந்துள்ளதாக அறிவிப்பு வெளியாகியுள்ளது.
விஜய்யின் தளபதி 64 படத்தை கைதி பட இயக்குநர் லோகேஷ் கனகராஜ் இயக்க உள்ளார். இதில் வில்லனாக விஜய் சேதுபதி நடிக்கிறார் என்று அறிவிப்பு ஏற்கனவே வெளியானது.
விஜய்யுடன் இணைந்து படம் நடிக்க வேண்டும் என்று பலருக்கு கனவு உள்ளது. நடிகரும், பாக்யராஜின் மகனுமான சாந்தனு தீவிர விஜய் ரசிகர்கள் என்பது அனைவருக்கும் அறிந்த ஒன்றே.
இந்த நிலையில் சாந்தனுவுக்கு நீண்ட நாட்களாக விஜய்யுடன் இணைந்து நடிக்க வேண்டும் என்று ஆசை. அவரின் நீண்ட நாள் ஆசை தற்போது தளபதி 64 படம் மூலம் நிறைவேறியுள்ளது. ஆம் சாந்தனு, தளபதி 64 படத்தில் நடிக்கவுள்ளதாக அதிகாரப்பூர்வ அறிவிப்பு வெளியாகியுள்ளது.
இது குறித்து சாந்தனு தனது ட்விட்டர் பக்கத்தில் கூறியிருப்பதாவது, ‘கனவுகள் நிஜமாகும். விஜய்யுடன் இணைந்து நடிப்பதில் மகிழ்ச்சி என்றும், படத்தில் வாய்ப்பளித்ததற்காக நன்றி என்றும் குறிப்பிட்டுள்ளார்.
சும்மாவே விஜய் குறித்து சாந்தனு எதாவது ஒரு ட்வீட் வெளியீட்டு கொண்டே இருப்பார், இனி கேட்கவே வேண்டாம்….
இது தவிர அட்லி இயக்கத்தில் விஜய் நடித்திருக்கும் பிகில் படம் வரும் தீபாவளிக்கு வெளியாக உள்ளது. அந்த படத்திற்காக விஜய் ரசிகர்கள் மிகுந்த ஆர்வத்தில் உள்ளனர். மேலும் இந்த படம் வெளியாகும் முன்பே தளபதி 64 பட அறிவிப்பு வெளியிடப்பட்டதால் ரசிகர்கள் டபுள் கொண்டாட்டத்தில் உள்ளனர்.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
