ஹன்சிகா, சரவணா ஸ்டோர்ஸ் அதிபர் அருளுக்கு ஜோடியாக நடிப்பதாக வெளியான செய்தி குறித்து விளக்கம் அளித்துள்ளார்.
சென்னை தி.நகரில் தொடங்கி இன்று நகரின் பல்வேறு இடங்களில் வெற்றிகரமாக இயங்கி வரும் கடை சரவணா ஸ்டோர்ஸ்.
முதலில் இந்த நிறுவனத்தின் விளம்பர படங்களில் சூர்யா, மாதவன் போன்ற டாப் ஹீரோக்கள் நடித்து வந்தனர். ஆனால் அண்மை காலமாக இந்த நிறுவனத்தின் உரிமையாளர்களில் ஒருவரான அருள் நடித்து வருகிறார்.
அதில் தமன்னா, ஹன்சிகா, காஜல் அகர்வால் போன்ற முன்னணி நடிகைகளுடன் சேர்ந்து நடித்து வருவதால் அருள் பற்றி பல விமர்சனங்கள் எழுகின்றன. ஆனால் அதை எல்லாம் காதில் வாங்கிக் கொள்ளாமல் என் கடை விளம்பரத்தில் நான் தான் நடிப்பேன் என்று நடித்து வருகிறார் அருள்.
விளம்பர படங்களில் நடித்து வந்த அருளுக்கு சினிமாவில் நடிக்க ஆசை வந்து விட்டதாக சில நாட்களுக்கு முன்பு கிசுகிசுக்கப்பட்டது. அதை உறுதி செய்யும் வகையில் அவர் சமீபத்தில் நடிகர் சங்கம் நடத்திய விழா ஒன்றில் ரஜினிகாந்த் பக்கத்தில் அமர்ந்து இருப்பது போல் ஒரு புகைப்படம் வெளியானது.
இந்த நிலையில் அவர் நடிக்கவுள்ள படத்தை அவர் நிறுவனங்களின் நிரந்தர விளம்பர இயக்குநர்களாக உள்ள ஜேட்-ஜெர்ரி இரட்டையர்கள் இயக்கவுள்ளார்கள். தற்போது படத்தில் நடிக்கவுள்ள நட்சத்திரங்கள் மற்றும் டெக்னீஷியன்கள் தேர்வு விறுவிறுப்பாக நடைபெற்று வருகிறது.
இவர் விளம்பர படத்திற்கே டாப் ஹீரோயின்களை தேர்வு செய்து நடிக்க வைத்ததால், படத்தில் எந்த மாறி நடிகையை தேர்வு செய்வார் என்று தெரிந்து கொள்ள மக்கள் ஆர்வமாக இருந்தனர். இந்நிலையில் அண்ணாச்சிக்கு ஜோடியாக ஏற்கனவே விளம்பரப் படத்தில் நடித்த ஹன்சிகா நடிக்க சம்மதம் தெரிவித்துவிட்டதாக தகவல் வெளியானது.
இதை கண்டு அதிர்ச்சியடைந்த ஹன்சிகா, ‘அது உண்மையில்லை’ என்று இரண்டே வார்த்தையில் வதந்திக்கு முற்றுப்புள்ளி வைத்துள்ளார். அப்போ ஹன்சிகா இல்லனா வேற யாராக இருக்கும் என்று ரசிகர்கள் குழம்பி வருகின்றனர்.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
