பழம்பெரும் நடிகர் சிவக்குமாரின் மகன் சூர்யா, தந்தையை போன்றே தமிழ் திரையுலகில் ஜொலித்து வருகிறார். நேருக்கு நேர் படத்தின் மூலம் தன் திரைப்பயனத்தை தொடங்கிய சூர்யா, காக்க காக்க படத்தின் ஜோடி சேர்ந்த ஜோதிகாவை காதலித்து திருமணம் செய்து கொண்டார்.
சூர்யா-ஜோதிகா தம்பதிக்கு தற்போது தியா மற்றும் தேவ் ஆகிய இரண்டு குழந்தைகள் உள்ளனர். பெற்றோர் இருவரும் திரையில் ஜொலித்தாலும், மகன் மற்றும் மகள் இதுவரை திரைப்படங்களில் தலைகாட்டியது இல்லை.
இந்நிலையில், நடிகர் சூர்யா தன் மகன் தேவ்-ன் புகைப்படத்தை இணையத்தில் பதிவிட்டுள்ளார். தேவ் பார்ப்பதற்கு சிறுவயது சூர்யா போலவே இருப்பதாக அவரது ரசிகர்கள் மளமளவென கமெண்ட் செய்து வருகின்றனர். மேலும், குட்டி சூர்யா வெல்கம் என்றும் லைக்குகளை குவித்து வருகின்றனர்.
அண்மையில் நடந்து முடிந்த தேசிய அளவிலான ஷென் இஷ்ரின்யூ கராத்தே போட்டியில் கலந்துகொண்ட சூர்யாவின் மகன் தேவ் வெற்றி பெற்றிருந்தது குறிப்பிடத்தக்கது. மேலும், பள்ளிப்படிப்பு படித்து வரும் மகள் தியாவும் விளையாட்டுதுறையில் அதிக ஆர்வம் காட்டி வருகிறார்.
சூர்யாவின் குழந்தைகள் தேவ் மற்றும் தியா இருவரும், டென்னிஸ், கராத்தே, கால்பந்து மற்றும் கிரிக்கெட் போன்ற விளையாட்டில் தீவிரமாக இருக்க, தந்தை சூர்யாவோ காப்பான் என அடுத்தடுத்த படங்களில் பிஸியாக நடித்து வருகிறார். தாய் ஜோதிகாவும் ராட்சஷி, ஜேக்பாட் என அவரும் திரைத்துறையில் பிசியாக உள்ளார்.
* இந்த பதிவு உங்களுக்கு பயனுள்ளதாக இருந்தால், உங்கள் நண்பர்களுடன் பகிர்ந்து கொள்ளுங்கள்.
