சாந்தகுமார் இயக்கத்தில் ஆர்யா, இந்துஜா நடிப்பில் உருவாகி வரும் திரைப்படம் ‘மகாமுனி’. இது கிரைம் திரில்லராக எடுக்கப்பட்டு வருகிறது. இதில் ஜூனியர் பாலையா, ஜெயப்பிரகாஷ், அருள்தாஸ், ஜி.எம்.சுந்தர், காளி வெங்கட் உள்ளிட்டோர் நடித்துள்ளனர்.
முன்னதாக சாந்தகுமார் இயக்கத்தில் ‘மௌனகுரு’ திரைப்படம் பெரும் வரவேற்பை பெற்றது. இதனால் ‘மகாமுனி’ படம் மீது மிகுந்த எதிர்பார்ப்பு ஏற்பட்டுள்ளது. இப்படத்தை ஸ்டுடியோ கிரீன் நிறுவனம் தயாரித்து கொண்டிருக்கிறது.
https://twitter.com/sayyeshaa/status/1128921176087126017
தற்போது படத்தின் இறுதிக்கட்ட பணிகள் நடைபெற்று வருகின்றன. இந்நிலையில் ‘மகாமுனி’ படத்தின் டீசர் மற்றும் ஃபர்ஸ்ட் லுக் சமீபத்தில் வெளியானது. இதுகுறித்து நடிகையும், ஆர்யாவின் மனைவியுமான சாயிஷா தனது டுவிட்டரில் பதிவிட்டுள்ளார்.
அதில், மிகவும் புத்துணர்ச்சி கொண்ட முரட்டுத்தனமான கணவரே. உங்களின் மகாமுனி படத்திற்காக என்னால் காத்திருக்க இயலவில்லை என்று குறிப்பிட்டுள்ளார். இந்தப் பதிவு தற்போது வைரலாகி கொண்டிருக்கிறது.
* இந்த பதிவு உங்களுக்கு பயனுள்ளதாக இருந்தால், உங்கள் நண்பர்களுடன் பகிர்ந்து கொள்ளுங்கள்.
