ஏ.ஆர்.முருகதாஸ் இயக்கத்தில் உருவான சர்கார் படத்தின் போஸ்ட் புரோடக்ஷன் பணிகளில் தளபதி விஜய் பிஸியாக இருக்கிறார். தீபாவளி பண்டிகையை முன்னிட்டு இப்படம் வெளியாகவுள்ளது. இந்த நிலையில், தனது விஜய் மக்கள் இயக்கத்தின் செயலாளர் புஸி ஆனந்தின் மகள் திருமண விழாவில் தளபதி விஜய் கலந்து கொண்டுள்ளார்.
புதுச்சேரியில் நடந்த இந்த விழாவில், தளபதியை வரவேற்கும் வகையில், வழிநெடுகிலும் விஜய்யின் பேனர்கள், கட் அவுட்டுகள் என்று ரசிகர்கள் அமர்க்களப்படுத்தியுள்ளனர். புஸி ஆனந்த் புதுச்சேரி விஜய் மக்கள் இயக்கத்தின் செயலாளர் என்பதால், விஜய்க்கு சிறப்பு அழைப்பு கொடுத்ததைத் தொடர்ந்து விஜய் அங்கு சென்றுள்ளார்.இதையடுத்து புதுச்சேரியே அலறும் வகையில் ரசிகர்கள் விஜய்க்கு வரவேற்பு கொடுத்துள்ளனர். விஜய் வருவதைத் தொடர்ந்து அங்கு பாதுகாப்பு பலப்படுத்தப்பட்டுள்ளது என்பது குறிப்பிடத்தக்கது.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
