தனியார் தொலைக்காட்சி நிறுவனமான ஸ்டார் விஜய் கடந்த ஆண்டு, ‘பிக்பாஸ்’ என்ற புதிய ரியாலிட்டி ஷோ ஒன்றைத் தொடங்கியது. இதில், ஒரு மிகப்பெரிய வீட்டில் 15 போட்டியாளர்கள் அடைக்கப்படுவார்கள். அதிலிருந்து, மக்கள் அளிக்கும் வாக்குகளின் அடிப்படையில், குறைவான வாக்குகளைப் பெற்றவர் ஒவ்வொரு வாரமும் வெளியேற்றப்படுவார். இறுதியாக 100 நாட்கள் கழித்து, அதிக வாக்குகள் பெற்றவர் வெற்றியாளராக அறிவிக்கப்படுவார்.
பல்வேறு சர்ச்சைகளுக்கு உள்ளான இந்த நிகழ்ச்சியை, நடிகர் கமல்ஹாசன் தொகுத்து வழங்கினார். அவர் நிகழ்ச்சியைத் தொகுத்து வழங்கும்போது, தமிழக அரசை சீண்டும் வகையில் பல்வேறு கருத்துகளை கூறினார். இதனால், கமலுக்கும் அதிமுக அமைச்சர்களுக்கும் இடையே கருத்து மோதல் உண்டானது.
மீண்டும் என் மக்களைச் சந்திக்க வருகிறேன்
இதன் வெளிப்பாடாக, கமல் அரசியலுக்கு வந்து, மக்கள் நீதி மய்யம் என்ற புதிய கட்சியையும் தொடங்கினார். இவ்வாறாக, தமிழக அரசியலில் ஒரு மிகப்பெரிய மாற்றம் உண்டானதற்கு, ஆரம்ப புள்ளியாக திகழ்ந்த இந்த நிகழ்ச்சியின் இரண்டாவது சீசன் விரைவில் தொடங்க உள்ளது.
இதற்கான டீசரை நடிகர் கமல்ஹாசன் கடந்த சில தினங்களுக்கு முன் தனது ட்விட்டர் பக்கத்தில் வெளியிட்டார். இந்நிலையில், மீம் கிரியேட்டர்கள் எப்போதும் போல, இந்த ஷோவையும் கலாய்க்க தயாராகி வருகின்றனர். அந்த வகையில், டீசர் வெளியானதையே ஒரு வீடியோ மூலம் மீம் கிரியேட்டர்கள் கலாய்த்துள்ளனர்.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
