நடிகை தமன்னா, தர்மதுரை படத்திற்குப் பின் மீண்டும் விஜய்சேதுபதியுடன் இணைந்து நடிக்க உள்ளார்.
நடிகர் விஜய்சேதுபதி, தற்போது ‘சை ரா நரசிம்மா ரெட்டி’ என்ற தெலுங்கு படத்தில் நடித்து வருகிறார். சுதந்திரப் போராட்ட வீரரான உய்யலவாடா நரசிம்ம ரெட்டியின் வாழ்க்கை வரலாற்றை மையமாக உருவாகும் இப்படத்தில் ஹீரோவாக சிரஞ்சீவி நடித்து வருகிறார். இந்தப் படத்தை சுரேந்தர் ரெட்டி இயக்கி வருகிறார்.படத்தை, ராம் சரண் தயாரித்து வருகிறார்.
இந்தப் படத்தில் நயன்தாரா,சிரஞ்சீவிக்கு ஜோடியாக நடிக்கிறார்.
மேலும் படத்தில் அமிதாப் பச்சன், விஜய் சேதுபதி, ஜெகபதி பாபு, சுதீப் ஆகியோர் முக்கிய வேடங்களில் நடிக்கின்றனர். இந்தப் படம் தமிழ்,தெலுங்கு மற்றும் இந்தியில் உருவாகி வருகிறது.
இந்தப் படத்தில், இன்னொரு ஹீரோயினாக நடிக்க நடிகை தமன்னா ஒப்பந்தமாகியுள்ளார். ‘தர்மதுரை’ படத்தில் விஜய் சேதுபதியுடன் இணைந்த நடித்த நடிகை தமன்னா, இப்போது மீண்டும் விஜய்சேதுபதியுடன் இணைந்து நடிக்கவுள்ளார்.
*இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி
