இதிலிருந்து தப்பித்த சோழர்கள் சிலரும் எயினர்கள் கூட்டம் சிலரும் காட்டில் மறைந்து வாழ்கிறார்கள். ரணதீரன் பாண்டியனை வென்று, மீண்டும் எயினர்களுக்கு அதிகாரத்தையும் நாட்டையும் கையளிப்பேன், என சபதமேற்று எயினர் குடியின் இளைஞன் கொதி, தன் குறும்படையின் துணையுடன் ரணதீரனை வெல்ல களமிறங்குகிறான். இறுதியில் கொதியின் சபதம் நிறைவேறியதா? ரணதீரனை தோற்கடித்து சோழ அதிகாரத்தை கொதி கையில் எடுத்தாரா? என்பதே படத்தின் மீதிக்கதை.
பாண்டிய மன்னன் ரணதீர பாண்டியனாக வரும் சக்தி மித்ரன், எயினர் இளைஞன் கொதியாக வரும் சேயோன் படத்தின் முக்கிய கதாப்பாத்திரங்களாக நடித்து கவர்ந்துள்ளனர். புதுமுக நடிகர்கள் என்ற எண்ணம் தோன்றாதபடி நடிப்பை வெளிப்படுத்தியுள்ளனர். தேவரடியார்களாக வரும் ராஜலட்சுமி மற்றும் வைதேகி அமர்நாத் சில காட்சிகளில் வந்துபோனாலும் மனதில் நிற்கும்படியான நடிப்பை கொடுத்துள்ளனர். எயினர் கூட்டத்தின் பூசாரியாக வரும் குரு சோமசுந்தரம் ஒரே ஒரு நீண்ட காட்சியில் வந்தாலும் வலுசேர்த்துள்ளார்.
படத்தில் வரும் சில கதாப்பாத்திரங்களின் நடிப்பு செயற்கையாக உள்ளது. 7ஆம் நூற்றாண்டின் கதை களத்தை தேர்வு செய்து மன்னர்கள், எயினர்கள், பழங்குடி இன மக்கள் என அனைவரையும் சிறப்பாக காட்சிப்படுத்தியுள்ளார் இயக்குனர் தரணி ராசேந்திரன். இருந்தாலும் திரைக்கதையில் விறுவிறுப்பு குறைவு, சங்கத் தமிழின் சொல்லாடல் பிரச்சனைகள் படத்தின் பலவீனமாக உள்ளது. கதாப்பாத்திரத்தின் தேர்வு ஓகே என்றாலும் புதுமுக நடிகர்கள் என்பதால் கதாப்பாத்திரங்களை புரிந்து கொள்வது கடினமாக உள்ளது. திரைக்கதையில் விறுவிறுப்பு இல்லை.
படத்தை ஒளிப்பதிவின் மூலம் பிரம்மாண்டப்படுத்த முயற்சி செய்துள்ளார் ஒளிப்பதிவாளர் அகிலேஷ் காத்தமுத்து. சக்ரவர்த்தியின் பின்னணி இசை கூடுதல் பலமாக அமைந்துள்ளது. கிடைத்த பட்ஜெட்டில் படத்தை கூடுதல் அழகுப்படுத்தி பாராட்டுக்களை பெறுகிறார் கலை இயக்குனர் இரஞ்சித்குமார். மொத்தத்தில் யாத்திசை – ஈர்ப்புவிசை குறைவு
- இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
