இதற்கிடையே சமந்தா கருவுறுகிறாள். இதனால் தேவ் மோகனை தேடி அரண்மனைக்கு சென்ற சமந்தாவை நீ யார் என்றே எனக்கு தெரியாது என்று கூறி தேவ் மோகன் அவமானப்படுத்திகிறான். இறுதியில் சமந்தா தன் காதலனை கரம் பிடித்தாரா..? தேவ் மோகன், சமந்தாவை தெரியாது என்று கூறுவதன் காரணம் என்ன..? என்பதே படத்தின் மீதிக்கதை.
மிகவும் சவாலான கதாபாத்திரத்தை ஏற்று நடித்துள்ளார் சமந்தா. சாகுந்தலையாக அவரது வசனங்களும் நடிப்பும் ரசிகர்களை கவரும் வண்ணம் உள்ளது. தன்னுடைய கதாபாத்திரத்திற்கு தேவையான முழு நடிப்பையும் கொடுத்து அசத்தியிருக்கிறார். கதாநாயகனான தேவ் மோகன் கதாபாத்திரத்திற்கு ஏற்ற நடிப்பை வெளிப்படுத்தியிருக்கிறார். பரது வேடத்தில் நடித்திருக்கும் அல்லு அர்ஹா அனைவரையும் கவர்கிறார். புராணக் கதையை தற்போது உள்ள தொழில் நுட்பத்திற்கு ஏற்றவாறு படமாக எடுக்க முயற்சித்துள்ளார் இயக்குனர் குணசேகர்.
படம் ரசிக்கும்படியாக இருந்தாலும் படத்தின் நகர்வு பார்ப்பவர்களுக்கு சலிப்பை ஏற்படுத்துகிறது. பல முக்கிய கதாபாத்திரங்கள் மனதில் நிற்காமல் போனது ஏமாற்றம். திரைக்கதையை இன்னும் பலமாக அமைத்திருக்கலாம் என்ற எண்ணமும் எழுகிறது. கிளைமாக்ஸில் வரும் சண்டைக்காட்சிகள் மிகவும் செயற்கையாக இருப்பது வருத்தமளிக்கிறது. மணி சர்மாவின் இசையும் பின்னணி இசையும் பெரிதாக கவரவில்லை . சேகர் வி ஜோசப் ஒளிப்பதிவு பார்வையாளர்களின் கண்களுக்கு விருந்தளிக்கிறது. மொத்தத்தில் சாகுந்தலம் – ஈர்ப்பு குறைவு
- இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
