இந்நிலையில், இவரது இளையமகள் ஹரிதா- ஆதர்ஷன் நயினார் திருமணம் நேற்று நடைபெற்றது. இந்த விழாவில் மூத்த நடிகரும், சிறந்த பேச்சாளருமான சிவகுமார் தன் குடும்பத்துடன் கலந்து கொண்டு மணமகன் ஆதர்ஷனுக்கு தன் கையால் தாலி எடுத்துக் கொடுத்து மணமக்களை வாழ்த்தினார்.
இந்த திருமண நிகழ்ச்சியில் முன்னணி தயாரிப்பாளர்களான, கலைப்புலி. எஸ்.தாணு, எஸ்.ஏ. சந்திரசேகரன், டி.ஜி. தியாகராஜன், முரளி ராமநாராயணன், பிரமிட் நடராஜன், டி. சிவா, கே.இ. ஞானவேல்ராஜா, எஸ்.ஆர் பிரபு, பி.எல்.தேனப்பன், கே.எஸ். ஸ்ரீனிவாசன், கே.எஸ். சிவராமன், ஏ.எல். அழகப்பன், லலித்குமார், சித்ரா லக்ஷ்மணன், ஜே.எஸ்.கே சதீஷ் குமார், கமல்போஹ்ரா, பி. பிரதீப், ராஜ் நாராயண், பி.ஜி. முத்தையா, கார்த்திகேயன், சமீர் பரத், அருண்மொழி மாணிக்கம் மற்றும் பலர் கலந்து கொண்டனர்.
மேலும், இயக்குநர்கள் கே. பாக்யராஜ், கே.எஸ். ரவிக்குமார், ஆர்.பார்த்திபன், சேரன், லிங்குசாமி, ஏ.எல். விஜய், எழில், சசி, திரு, பாண்டிராஜ், சிம்புதேவன், அறிவழகன், சி.எஸ். அமுதன், கருணாகரன், எஸ்.எஸ்.ஸ்டான்லி, பாலாஜி குமார், கிருஷ்ணா, கௌரவ் நாராயணன், ஆர்.கண்ணன், ஜெகன், ஹரிகுமார், ராஜ்தீப் என பலரும் கலந்து கொண்டு மணமக்களை வாழ்த்தினர்.
இவர்களுடன் முன்னணி நடிகர்கள் கௌதம் கார்த்திக், சிபி சத்யராஜ், ஜி.வி. பிரகாஷ்குமார், தியாகராஜன், பிரசாந்த், பஞ்சு சுப்பு, கவிதாலயா கிருஷ்ணன், பூர்ணிமா பாக்யராஜ், சாந்தனு, கிகி விஜய், ஜெகன், சித்தார்த்தா சங்கர், ஜெயபிரகாஷ் ஆகியோர் கலந்து கொண்டனர்.
இதைத்தொடர்ந்து தமிழ்நாடு திரையரங்க உரிமையாளர்கள் சங்க தலைவர் ‘திருப்பூர்’ சுப்ரமணியம், வினியோகஸ்தர்கள் சங்க தலைவர் அருள்பதி, பாடலாசிரியர்கள் மதன் கார்க்கி, சினேகன், இசையமைப்பாளர் கிரீஷ் கோபாலகிருஷ்ணன், ‘குக்கு வித் கோமாளி’ டைட்டில் வின்னர் கார்த்திகா கனி, யூடியூபர் இட்ஸ் பிரஷாந்த், ஷங்கர் கிருஷ்ணமூர்த்தி, ‘சரிகம’ ஆனந்த் மற்றும் பலர் இந்த திருமண நிகழ்ச்சியில் கலந்து கொண்டு மணமக்களை வாழ்த்தினர்.
இந்த திருமணம் குறித்து தயாரிப்பாளர் தனஞ்ஜெயன் தனது அறிக்கையில் தெரிவித்திருப்பதாவது, ‘திரையுலக நண்பர்கள் மற்றும் என் நலன் விரும்பிகள் என திருமணத்தில் கலந்து கொண்டு மணமக்களை வாழ்த்தி இந்த நிகழ்வை பிரம்மாண்டமாகவும் மகிழ்ச்சியான நினைவாகவும் எங்கள் குடும்பத்திற்கு மாற்றிக் கொடுத்த திரு. சிவகுமார் அவர்களுக்கும் மற்றும் திரையுலக நண்பர்கள் அனைவருக்கும் என் மனமார்ந்த நன்றி. இரண்டு மகள்களின் திருமணத்திற்கும் உங்களது நேரத்தை ஒதுக்கி வந்துள்ளீர்கள். இருபது வருடங்களுக்கும் மேலாக நான் இந்த திரையுலகில் இருப்பதற்கான மதிப்புமிக்க மகிழ்ச்சியான தருணமாக இதைப் பார்க்கிறேன்” என்று குறிப்பிட்டுள்ளார்.
- இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
