நடிகர் தனுஷ் நடிக்கும் ‘டி 43’ படத்தின் இறுதிக்கட்ட படப்பிடிப்பு ஐதராபாத்தில் உள்ள ராமோஜி பிலிம் சிட்டியில் நடைபெற உள்ளது.
‘தி கிரே மேன்’ ஹாலிவுட் படத்தின் படப்பிடிப்புக்காக கடந்த பிப்ரவரி மாதம் அமெரிக்கா சென்றிருந்த நடிகர் தனுஷ், 4 மாதங்கள் அங்கு தங்கியிருந்து அப்படத்தில் நடித்து முடித்தார். இதையடுத்து அமெரிக்காவில் சில நாட்கள் ஓய்வெடுத்த நடிகர் தனுஷ், தற்போது இந்தியா திரும்பி உள்ளார்.
அமெரிக்காவில் இருந்து நேரடியாக ஐதராபாத் வந்தடைந்த அவர், கார்த்திக் நரேன் இயக்கும் ‘டி 43’ படத்தின் படப்பிடிப்பில் விரைவில் பங்கேற்க உள்ளார். இப்படத்தின் இறுதிக்கட்ட படப்பிடிப்பு ஐதராபாத்தில் உள்ள ராமோஜி பிலிம் சிட்டியில் நடைபெற உள்ளது. இப்படத்தில் தனுஷுக்கு ஜோடியாக மாஸ்டர் பட நடிகை மாளவிகா மோகனன் நடித்து வருகிறார்.
நடிகர் தனுஷ் ‘டி 43’ படத்தில் நடித்து முடித்த பின் செல்வராகவன் இயக்கும் நானே வருவேன் படத்தில் நடிக்க திட்டமிட்டுள்ளார். இதன் படப்பிடிப்பு ஆகஸ்ட் மாதம் தொடங்க உள்ளதாக படக்குழு ஏற்கனவே அறிவித்துள்ளது குறிப்பிடத்தக்கது.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
