கொரோனாவால் கடும் பாதிப்பை சந்தித்துள்ள திரையுலகிற்கு நிதி திரட்டும் நோக்கில் ‘நவரசா’ ஆந்தாலஜி படத்தை எடுக்கின்றனர்.
தமிழ் சினிமாவின் முன்னணி இயக்குனரான மணிரத்னம், அடுத்ததாக ‘நவரசா’ என்ற ஆந்தாலஜி படத்தை ஜெயேந்திராவுடன் இணைந்து தயாரித்து வருகிறார். கொரோனாவால் கடும் பாதிப்பை சந்தித்துள்ள திரையுலகிற்கு நிதி திரட்டும் நோக்கில் இந்த ஆந்தாலஜி படத்தை எடுக்கின்றனர்.
நவரசங்களை அடிப்படையாக கொண்டு உருவாகும் இந்த ஆந்தாலஜி படத்தை கார்த்திக் நரேன், கார்த்திக் சுப்புராஜ், கே.வி. ஆனந்த், பிஜாய் நம்பியார், பொன்ராம், கவுதம் மேனன், ரதீந்திரன் பிரசாத், சர்ஜுன் , அரவிந்த்சாமி ஆகிய 9 இயக்குனர்கள் இயக்குவதாக இருந்தது.
இந்நிலையில், இந்த ஆந்தாலஜி படத்திலிருந்து இயக்குனர் கே.வி.ஆனந்த் விலகி உள்ளாராம். அவருக்கு பதிலாக பிரபல இயக்குனர் வசந்த் ஒப்பந்தமாகி உள்ளதாக தகவல் வெளியாகி உள்ளது. இதில் இயக்குனர் வசந்த் இயக்கும் பகுதியில் அருவி பட நடிகை அதிதி பாலன் நடிக்க உள்ளார். இதன் படப்பிடிப்பு காரைக்குடியில் நடைபெற உள்ளதாம்.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
