நடிகர் லியாம் நீசன்
நடிகை கேத்ரின் வின்னிக்
இயக்குனர் ராபர்ட் லோரென்ஸ்
இசை சீன் காலரி
ஓளிப்பதிவு மார்க் பாட்டன்
ஓய்வு பெற்ற ராணுவ அதிகாரியான லியாம் நீசன் தனியாக வசித்து வருகிறார். இவரது மகள் எல்லை பாதுகாப்பு பிரிவில் வேலை பார்க்கிறார். பக்கத்து ஊரில் இருக்கும் ஒரு தாய் தன்னுடைய மகனுடன் லியாம் நீசன் இருக்கும் ஊருக்கு தஞ்சம் அடைகிறார். இவர்களை ஒரு கும்பல் துரத்துகிறது.
ஒரு கட்டத்தில் அந்த கும்பல் தாயை கொல்ல, சிறுவனை லியாம் நீசன் காப்பாற்றுகிறார். மேலும் இந்த சிறுவனை வேறொரு ஊரில் இருக்கும் மாமாவிடம் சேர்க்கும்படி அவரது தாய் சொல்லிவிட்டு இறக்கிறார்.
இறுதியில் அந்த மர்ம கும்பலிடம் இருந்து சிறுவனை காப்பாற்றி அவரது மாமாவிடம் லியாம் நீசன் சேர்த்தாரா? மர்ம கும்பல் சிறுவனை துரத்த காரணம் என்ன? என்பதே படத்தின் மீதிக்கதை.
படத்தில் சிறுவனை காப்பாற்ற போராடும் லியாம் நீசன் சிறப்பான நடிப்பை கொடுத்திருக்கிறார். அதே போல் சிறுவனும் அவருக்கு இணையாக நடித்து அசத்தி இருக்கிறார். மற்ற கதாபாத்திரங்கள் அவர்களது பங்களிப்பை சிறப்பாகவே கொடுத்திருக்கிறார்கள்.
மெதுவாக தொடங்கி வேகமெடுக்கும் திரைக்கதை பின்னர் மீண்டும் மெதுவாக செல்வதால் படத்தின் விறுவிறுப்பு குறைகிறது. ஆங்கிலப் படத்திற்கு உண்டான அதே திரைக்கதை டெம்ளேட் இந்த படத்திலும் அமைந்திருக்கிறார் இயக்குனர் ராபர்ட் லோரென்ஸ். தமிழில் டப் செய்யப்பட்டு வெளியாகி இருக்கும் இப்படம் ஆக்சன், செண்டிமெண்ட் என தமிழ் ரசிகர்கள் ரசிக்கும்படி கொடுத்திருக்கிறார்கள்.
சீன் காலரியின் பின்னணி இசை படத்தின் வேகத்திற்கு உதவி இருக்கிறது. மார்க் பாட்டனின் ஒளிப்பதிவை ஆங்காங்கே ரசிக்க முடிகிறது.
மொத்தத்தில் ‘தி மார்க்ஸ்மேன்’ விறுவிறுப்பு குறைவு.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
