பாரதிராஜா இயக்கத்தில் வெளியாகி பிளாக்பஸ்டர் ஹிட்டான படத்தின் 2-ம் பாகத்தை அவரது மகன் மனோஜ் இயக்க உள்ளதாக கூறப்படுகிறது.
பாரதிராஜா இயக்கத்தில் கமல்ஹாசன், ஸ்ரீதேவி நடிப்பில் கடந்த 1978ம் ஆண்டு வெளியான திரில்லர் திரைப்படம் ‘சிகப்பு ரோஜாக்கள்’. இளையராஜா இசையில் உருவான இப்படம் பிளாக்பஸ்டர் ஹிட்டானது. தமிழில் பல்வேறு விருதுகளை வென்று குவித்த இப்படம் தெலுங்கு, இந்தி போன்ற பிற மொழிகளிலும் ரீமேக் செய்யப்பட்டது.
இந்நிலையில் ‘சிகப்பு ரோஜாக்கள்’ படத்தின் இரண்டாம் பாகம் விரைவில் உருவாக இருப்பதாக தகவல் வெளியாகி உள்ளது. இந்த படத்தை பாரதிராஜாவின் மகன் மனோஜ் இயக்க உள்ளாராம். மேலும் கமல், ஸ்ரீதேவி கதாபாத்திரங்களில் நடிக்க நடிகர், நடிகை தேர்வு செய்யப்பட்டு வருவதாகவும் விரைவில் இதுகுறித்த அறிவிப்பு வெளியாகும் என்றும் கூறப்படுகிறது. இப்படத்தை பாரதிராஜா தான் தயாரிக்க உள்ளாராம்.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!