மாஸ்டர் படத்தை தொடர்ந்து விஜய் அடுத்ததாக ஏ.ஆர்.முருகதாஸ் இயக்கத்தில் நடிக்க இருப்பதாக தகவல் வெளியாகியுள்ளது.
மாஸ்டர் படத்தை கொண்டாடுவதற்கு முன்னதாகவே விஜய்யின் அடுத்த படமான தளபதி 65 படத்தின் தகவல் கிடைத்துள்ளது. விஜய்யை வைத்து கத்தி, துப்பாக்கி, சர்கார் போன்ற படங்களை இயக்கி மாபெரும் வெற்றி படைத்த இயக்குனர் ஏ.ஆர்.முருகதாஸ் தற்போது மீண்டும் தளபதி 65 படத்தை இயக்கவுள்ளார்.
சன் பிச்சர் நிறுவனம் தயாரிக்கும் இப்படத்தின் படப்பிடிப்பு வருகிற ஆகஸ்ட் மாதம் துவங்கவுள்ளதாக நம்பத்தகுந்த வட்டாரத்தில் இருந்து தகவல் கிடைத்துள்ளது. மேலும் இப்படம் வருகிற 2021 ஆம் ஆண்டு பொங்கல் பண்டிகையை குறி வைத்து உருவாகும் எனவும் கூறப்படுகிறது.
மாஸ்டர் கொண்டாட்டத்தையே இன்னும் முழுமையாக அனுபவிக்காத நிலையில் தற்போது சற்றும் எதிர்பார்க்காத தளபதி 65 அப்டேட் ரசிகர்களுக்கு மெய்சிலிர்ப்பை ஏற்படுத்தியுள்ளது. எனவே கூடிய விரைவில் இதுகுறித்த அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
