விஜய் வீட்டில் வருமான வரித்துறை அதிகாரிகள் சோதனை நடத்தி வருவதற்கு அவரது ரசிகர்கள் சமூக வலைத்தளத்தில் ஆதரவு தெரிவித்து வருகிறார்.
விஜய் வீடு, அலுவலகங்களில் நடக்கும் சோதனைக்கு அவரது ரசிகர்கள் கடும் எதிர்ப்பு தெரிவித்துள்ளனர். இணையம் முழுக்க இதற்காக அவர்கள் கருத்து தெரிவித்து வருகிறார்கள். விஜய் ரசிகர்கள் மட்டுமின்றி மற்ற நடிகர்களின் ரசிகர்களும் இது தொடர்பாக கருத்து தெரிவித்து வருகிறார்கள். டுவிட்டரில் நாங்கள் விஜய் உடன் நிற்கிறோம் என்று பொருள்படும் வகையில் ஹேஷ்டேக் உருவாக்கப்பட்டுள்ளது.
இந்த டேக்கில் விஜய்க்கு ஆதரவாக பலரும் டுவிட் செய்து வருகிறார்கள். விஜய் அரசியல் ரீதியாக பழிவாங்கப்படுகிறார். அவரின் அரசியல் ஆசையை முடக்கும் வகையில் இப்படி செய்கிறார்கள். திட்டமிட்டு செய்யப்படும் மோசமான நடவடிக்கை இது என்று அதில் கூறி வருகிறார்கள்.
விஜய்க்கு ஆதரவாக ரசிகர்கள் வர வாய்ப்புள்ளது. வீட்டு வாசலில் ஆர்ப்பாட்டங்கள் நடக்க வாய்ப்புள்ளது என்பதால் விஜய் வீடு முன் துப்பாக்கி ஏந்திய போலீசார் குவிக்கப்பட்டுள்ளனர். அதே சமயம் விஜய் ரசிகர்கள் யாரும் விஜய் வீட்டு பக்கம் வர கூடாது என்றும் அறிவுறுத்தப்பட்டுள்ளது.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
