பாலிவுட்டில் முன்னணி நடிகையாக வலம் வரும் கங்கனாவின் ஜெயலலிதா தோற்றத்தை ரசிகர்கள் வரவேற்று வருகிறார்கள்.
பாலிவுட்டில் பிரபல நடிகையான கங்கனா ரணாவத், தற்போது ஜெயலலிதாவின் வாழ்க்கை வரலாறு படத்தில் நடித்து வருகிறார். தமிழ், தெலுங்கு, இந்தி மொழிகளில் உருவாகி வரும் இப்படத்திற்கு தலைவி என்று பெயரிடப்பட்டுள்ளது. விஜய் இயக்கி வரும் இப்படத்திற்கு ஜி.வி.பிரகாஷ் இசையமைக்கிறார்.
தலைவி படத்தின் பர்ஸ்ட் லுக் போஸ்டர் வெளியாகி ரசிகர்களிடையே அதிருப்தியை ஏற்படுத்தியது. மேலும் நெட்டிசன்கள் கேலி செய்து மீம்ஸ் கிரியேட் செய்து வெளியிட்டார்கள்.
இந்த நிலையில் கங்கனா தற்போது தலைவி ஷூட்டிங்கில் மேக்கப் போட்டு கொண்டிருக்கும் போது எடுத்த புகைப்படம் ஒன்றை வெளியிட்டுள்ளார். அது ரசிகர்களை கவர்ந்து இணையத்தில் வைரலாகி வருகிறது.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
