மெகா ஸ்டார் படத்தில் ஒரு பாடலுக்கு குத்தாட்டம் போடச் சொன்னதற்கு முடியாது என்று கூறிவிட்டாராம் ரெஜினா கசான்ட்ரா.
தமிழ், தெலுங்கு, இந்தி படங்களில் நடித்து வருபவர் ரெஜினா கசான்ட்ரா. அவர் நடிக்க வந்து 15 ஆண்டுகள் ஆகியும் இன்னும் முன்னணி நடிகையாக முடியவில்லை. அவர் படத்திற்கு படம் வித்தியாசம் காட்டி வெயிட்டான கதாபாத்திரங்களில் நடிக்க விரும்புகிறாராம்.
இந்நிலையில் கொரடலா சிவா இயக்கத்தில் சிரஞ்சீவி நடிக்கும் சிரு 152 படத்தில் ஒரு பாடலுக்கு குத்தாட்டம் போடுமாறு ரெஜினாவிடம் கேட்டார்களாம். அம்மணியோ சற்றும் யோசிக்காமல் அதெல்லாம் முடியாது, வேறு ஆளைப் பாருங்க என்று கூறிவிட்டாராம்.
சிரஞ்சீவி படத்தில் மட்டும் அல்ல வேறு எந்த நடிகரின் படத்திலும் குத்தாட்டம் போட ரெஜினாவுக்கு விருப்பம் இல்லையாம். பெரிய நடிகர் என்று சிரு படத்தில் குத்தாட்டம் போட்டால் வரிசையாக ஒவ்வொருவராக கேட்பார்கள். அதன் பிறகு ஐட்டம் டான்ஸராக்கிவிடுவார்கள் என்று ரெஜினா பயப்படுகிறார் போன்று. அவர் பயமும் நியாயம் தான்.
சிரு 152 படத்தில் சிரஞ்சீவிக்கு ஜோடியாக த்ரிஷா நடிக்கிறார் என்று கூறப்படுகிறது. இதன் மூலம் தெலுங்கு சூப்பர் ஸ்டாருடன் சேர்ந்து நடிக்க வேண்டும் என்கிற த்ரிஷாவின் ஆசை நிறைவேறப் போகிறது.
மேலும் த்ரிஷா மலையாள சூப்பர் ஸ்டாரான மோகன்லாலுடன் சேர்ந்து ராம் படத்தில் நடிக்கிறார் என்பது குறிப்பிடத்தக்கது.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
