வெங்கட கிருஷ்ணா இயக்கத்தில் விஜய் சேதுபதி நடிக்கும் ’யாதும் ஊரே யாவரும் கேளிர்’ படத்தில் அஜித்துடன் நடித்த பிரபல நடிகை நடிக்க ஒப்பந்தம் ஆகியிருக்கிறார்.
விஜய் சேதுபதி, மேகா ஆகாஷ் கூட்டணியில் உருவாகும் படம் ’யாதும் ஊரே யாவரும் கேளிர்’. இப்படத்தை லாபம் பட இயக்குனர் ஜனநாதனின் உதவி இயக்குநர் வெங்கட கிருஷ்ணா இயக்குகிறார். சந்திரா ஆர்ட்ஸ் தயாரிக்கும் இப்படத்தில் நடிகர் விவேக் முக்கிய கதாபாத்திரத்தில் நடிக்கிறார்.
மேலும் இயக்குனர் மோகன் ராஜா சிறப்பு தோற்றத்தில் நடிக்க உள்ளதாக படக்குழு சமீபத்தில் அறிவித்தது. தற்போது இப்படத்தில் நடிகை கனிகா முக்கிய கதாபாத்திரத்தில் நடிப்பதாக படக்குழு அறிவித்துள்ளது.
நடிகை கனிகா இதற்குமுன், அஜித்துடன் வரலாறு படத்தில் நடித்துள்ளார். தமிழில் சில படங்களிலும், தெலுங்கு, மலையாளம் மொழி படங்களிலும் நடித்துள்ளார்.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
