வனிதா விஜயகுமார் ட்விட்டரில் கொடுக்கும் பில்ட்அப்பை பார்த்த தம்பிகள் ஒரு வேளை அக்கா அரசியலுக்கு வரப் போகிறாரோ என்று தெரிவித்துள்ளனர்.
வனிதா விஜயகுமார்
பிக் பாஸ் 3 நிகழ்ச்சி மூலம் பிரபலமான வனிதா விஜயகுமார் விஜய் டிவி நிகழ்ச்சிகளில் பிசியாக உள்ளார். இதற்கிடையே யூடியூப் சேனலை துவங்குகிறார். துபாய், இலங்கைக்கு சென்று வந்துள்ளார். இந்நிலையில் டிசம்பர் மாதம் பிறந்ததில் இருந்து வனிதா ட்விட்டரில் பொடி வைத்து பேசிக் கொண்டிருக்கிறார். அறிவிப்பு வெளியிடுகிறேன் என்கிறார் ஆனால் அது என்ன என்பதை மட்டும் இதுவரை சொல்லாமல் சஸ்பென்ஸாக வைத்துள்ளார்.
என்ன தான் அறிவிப்பு?
ஒரு சுவாரஸ்யமான அறிவிப்பு விரைவில் வருகிறது. என்னை மிஸ் பண்ணும் அனைவருக்கும் ஒன்றை சொல்லிக் கொள்கிறேன், நான் எங்கும் செல்லவில்லை என்று கடந்த 2ம் தேதி ட்வீட் போட்டார் வனிதா. ஆனால் இன்னும் அந்த அறிவிப்பை வெளியிடாமல் தொடர்ந்து பில்ட்அப் மட்டும் கொடுத்துக் கொண்டிருக்கிறார். ரொம்ப பண்ணாதக்கா, சீக்கிரமாக அது என்னன்னு சொல்லுக்கா என்று பிக் பாஸ் பார்வையாளர்கள் தெரிவித்துள்ளனர்.
கர்மா பற்றி வனிதா
2ம் தேதி போட்ட ட்வீட்டிற்கு பதில் அளிக்காமல் வனிதா தற்போது மற்றொரு ட்வீட்டில் கூறியிருப்பதாவது, ஆசிர்வதிக்கப்பட்டவளாக உணர்கிறேன்…கர்மா நிச்சயம் பூமராங் தான்…சிறப்பான அறிவிப்பு விரைவில் வருகிறது…நீங்கள் எதிர்பார்த்து காத்திருப்பது தான்…நான் அந்த முதல் செய்தியையே அறிவிக்கவில்லை என்பதை மறந்துவிட்டேன் என்று நக்கலடித்துள்ளார்.
அரசியலா, படமா?
மகனுடன் சேரப் போகிறீர்களா இல்லை ரஜினி அல்லது கமல் ஹாஸனின் படத்தில் நடிக்கிறீர்களா?. ரஜினி, கமலுடன் சேர்ந்து எடுத்த புகைப்படத்தை வெளியிட்டுள்ளீர்களே. அதை பார்த்து தான் சந்தேகம். இல்லை அரசியலுக்கு வரப் போகிறீர்களா?. உங்கள் அப்பா விஜயகுமார் போன் செய்தாரா?. என்ன தான் அந்த அறிவிப்பு, சீக்கிரம் சொல்லுக்கா, வெயிட்டிங்கிலேயே வெறி ஏறுது என்று தம்பிகள் தெரிவித்துள்ளனர்.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
