லெஜண்ட் சரவணன் அருள் ஹீரோவாகியுள்ள தகவல் அறிந்து மீம்ஸ் கிரியேட்டர்கள் குஷியாகிவிட்டனர்.
லெஜண்ட் ஹீரோ
லெஜண்ட் நியூ சரவணா ஸ்டோர்ஸ் உரிமையாளர் சரவணன் அருள் ஹன்சிகா, தமன்னா உள்ளிட்டோருடன் ஜோடி போட்டு விளம்பர படங்களில் நடித்தார். தலைவா, நடிப்பு சூப்பர் என்று ஒரு கூட்டமும், ஏய்யா கடன் வாங்கியாவது உன் கடையில் வந்து துணி வாங்குறேன்யா, தயவு செய்து விளம்பரத்தில் மட்டும் நடிக்காதய்யா என்று ஒரு கூட்டமும் தெரிவித்தது. இந்நிலையில் சுபயோக சுபதினத்தில் லெஜண்ட் சரவணன் அருள் ஹீரோவாகிவிட்டார். ஆமாம், அவரே தயாரித்து, ஹீரோவாக நடிக்கிறார். பெரிய இடம் என்பதால் படம் நிச்சயம் பிரமாண்டமாக இருக்கும் என்று எதிர்பார்க்கப்படுகிறது.
லெஜண்ட் மீம்ஸ்
லெஜண்ட் சரவணன் ஹீரோவான செய்தியை அறிந்த மீம்ஸ் கிரியேட்டர்கள் ஏற்கனவே தங்கள் வேலையை துவங்கிவிட்டனர். #legendsaravanan என்கிற ஹேஷ்டேக் ட்விட்டரில் எல்லாம் டிரெண்டாகியுள்ளது. பின்ன, லெஜண்டுன்னா சும்மாவா?. அவர், ஹீரோயினுடன் போஸ் கொடுத்த புகைப்படத்தை பார்த்தவர்கள், வந்துட்டான்யா என் தலைவன். ரஜினி அரசியலுக்கு வருகிறேன் என்று கூறி வரவில்லை. ஆனால் எங்கள் தலய பார்த்தீங்களா நடிக்கல, நடிக்கலன்னு சொல்லிட்டு சத்தமில்லாமல் ஹீரோவாகிவிட்டார் என்று ரசிகர்கள் ஒரு பக்கம் பில்ட்அப் கொடுத்துக் கொண்டிருக்கிறார்கள்.
தலக்கு தில்லு தான்
சரவணன் அருள் இந்த வயதிலும் இளமையாக உள்ளார். மருமகன் வந்த பிறகு அவர் ஹீரோவாக நடிக்க உள்ளதை பாராட்டியே ஆக வேண்டும். இந்நிலையில் இப்படி எல்லாம் மீம்ஸ் போட்டு கலாய்க்கிறார்களே பெருமாளே. லெஜண்ட் ஹீரோவாக நடிக்கும் படத்தின் படப்பிடிப்பு சென்னை, பொள்ளாச்சி, இமய மலை மற்றும் வெளிநாடுகளில் நடக்க உள்ளது என்று தெரிவிக்கப்பட்டுள்ளது. படத்திற்கு ஹாரிஸ் ஜெயராஜ் இசையமைப்பதால் அவர் ஏற்கனவே வேலையை துவங்கியிருப்பார் என்று நம்பப்படுகிறது.
டான்ஸ் ஆடுவதில், நடிப்பதில், சண்டை போடுவதில் தலைவன் லெஜண்டை அடிக்க கோலிவுட்டில் யார் இருக்கா என்று ரசிகர்கள் கேட்கிறார்கள். யப்பா, அவர் இன்னும் நடிக்கவே ஆரம்பிக்கல, அதற்குள் இந்த பில்ட்அப்பா என்று நெட்டிசன்கள் பதிலுக்கு கேட்கிறார்கள். வயதில் என்ன இருக்கிறது, அவர் துணிச்சலாக நடிக்க வந்திருப்பதை நிச்சயம் பாராட்டியே ஆக வேண்டும் மக்களே. சும்மாவே கலாய்ப்பாங்க, இதில் ஹீரோ ஆனால் வச்சு வச்சு கலாய்ப்பாங்க என்பது தெரிந்தும் அவர் நடிக்க வந்த தைரியம் தான் பாராட்டுக்குரியது.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!