ட்விட்டரில் வழக்கமாக நடக்கும் சண்டைக்கு பதில் இம்முறை வித்தியாசமான மோதல் நடந்துள்ளது.
ஆதித்ய வர்மா ரிலீஸ்
த்ருவ் விக்ரம் நடித்துள்ள ஆதித்ய வர்மா படம் இன்று ரிலீஸாகியுள்ளது. இதையொட்டி விக்ரம் ரசிகர்கள் த்ருவை வாழ்த்தி விடிய, விடிய ட்வீட் செய்தார்கள். அப்படி ட்வீட் செய்தபோது அவர்கள் த்ருவ் விக்ரமை பிரின்ஸ் என்று அழைத்தனர். அதை பார்த்த சிவகார்த்திகேயன் ரசிகர்களால் சும்மா இருக்க முடியவில்லை. கோலிவுட்டின் பிரின்ஸ் எங்கள் அண்ணன் சிவகார்த்திகேயன் தான். அப்படி இருக்கும்போது அந்த அடைமொழியை நீங்கள் எப்படி த்ருவ் விக்ரமுக்கு பயன்படுத்தலாம் என்று கேள்வி எழுப்பினார்கள்.
பிரின்ஸ் த்ருவ்
விக்ரம் எங்களுக்கு கிங். அதனால் அவரின் மகன் த்ருவை பிரின்ஸ் என்கிறோம். இதில் என்ன தவறு உள்ளது என்று சீயான் ரசிகர்கள் பதிலுக்கு கேட்டனர். அதை பார்த்த சிவகார்த்திகேயன் ரசிகர்கள், விளக்கம் நன்றாக உள்ளது. ஆனால் கோலிவுட்டின் பிரின்ஸ் யார் என்று கூகுள் செய்து பாருங்கள் தெரியும் என்றனர். ஏற்கனவே சிவகார்த்திகேயனை நாங்கள் பிரின்ஸ் என்று அழைப்பது தெரிந்தும் இப்படி செய்யும் நீங்கள் கொஞ்சம் மெச்சூரிட்டியுடன் நடந்து கொள்ள வேண்டும் என்று சிவா ரசிகர்கள் அறிவுரை வழங்கினார்கள்.
தல, தளபதி
நாங்கள் ஏற்கனவே பிரின்ஸ் என்கிற டேகை கடந்த 2, 3 ஆண்டுகளாக பயன்படுத்தி வருகிறோம். தில் இருந்தால் தல, தளபதி டேகை பயன்படுத்துங்கள். அப்போ பார்க்கலாம் யார் உங்களை சப்போர்ட் பண்றாங்கன்னு. ஒரே சூப்பர் ஸ்டார், தல, தளபதி, அதே போன்று ஒரே பிரின்ஸ் அது எங்க சிவகார்த்திகேயன் தான் என்று அவரின் ரசிகர்கள் தெரிவித்துள்ளனர்.
விஜய், அஜித் ரசிகர்கள்
சிவகார்த்திகேயன், விக்ரம் ரசிகர்கள் சண்டையில் விஜய், தனுஷ், அஜித் ரசிகர்கள் வேறு தலையை கொடுத்துள்ளனர். விஜய் ரசிகர்களோ, தோனியை கூடத் தான் தல என்கிறோம். அதே போன்று த்ருவை பிரின்ஸ் என்று அழைப்பதில் தவறு என்ன என்று கேள்வி எழுப்பியுள்ளனர். தனுஷ் ரசிகர்கள் சிலர் த்ருவை பிரின்ஸ் என்று தான் சொல்வோம் என்று தெரிவித்துள்ளனர்.
தனுஷ் ரசிகர்கள் ஆதரவு
சிவகார்த்திகேயன் பஞ்சாயத்தில் தனுஷ் ரசிகர்கள் ஆர்வமாக வந்து கலந்து கொண்டு த்ருவுக்கு ஆதரவாக பேசுவது ஏன் என்று அனைவருக்கும் தெரியும். பழைய பகையை எல்லாம் மனதில் வைத்துக் கொண்டு சிவகார்த்திகேயனுக்கு எதிராக ட்வீட் போட்டுள்ளனர் என்ற குற்றச்சாட்டு எழுந்துள்ளது. வழக்கமாக ட்விட்டரில் தல, தளபதி ரசிகர்கள் மட்டுமே அடித்துக் கொள்வார்கள். இம்முறை கொஞ்சம் கூட எதிர்பார்க்காத நடிகர்களின் ரசிகர்கள் மோதியுள்ளனர். இந்த சண்டை எல்லாம் எப்பொழுது தான் முடியுமோ?
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
