திருமணத்திற்கு பிறகு பட வாய்ப்புகள் வெகுவாக குறைந்து வருவதாக தெரிவித்த சமந்தா தற்போது அதிரடியாக ஒரு விஷயம் செய்து அனைவரையும் தன்னை பற்றி பேச வைத்துள்ளார்.
குறையும் மவுசு
தென்னிந்திய திரையுலகை பொறுத்த வரை ஒரு நடிகைக்கு திருமணமாகிவிட்டால் அவரை ஹீரோயினாக நடிக்க வைக்க ரொம்பவே தயங்குவார்கள். அதனாலேயே நடிகைகள் திருமணத்தை தள்ளிப் போடுகிறார்கள். இந்நிலையில் தான் சமந்தா திருமணத்திற்கு பிறகும் வெற்றிகரமான நடிகையாக வலம் வருகிறார். ஆனால் அது நிலைக்காமல் போய்க் கொண்டிருக்கிறது.
திருமதி சமந்தாவின் கெரியர்
திருமதி சமந்தா தொடர்ந்து வெற்றிப் படங்களை கொடுத்து வருவதை பார்த்த சில நடிகைகள் நாமும் திருமணம் செய்யலாம் போன்று என்று நினைத்தார்கள். இந்நிலையில் தான் சமந்தா குண்டை தூக்கிப் போட்டார். அதாவது திருமணத்திற்கு பிறகு தன்னை வைத்து என்ன செய்வது என்று தெரியாமல் இயக்குநர்கள் குழம்புவதாக கூறினார். இதை கேட்டு திருமணத்திற்கு தயாரான இரண்டு அம்மணிகள் மனதை மாற்றிக் கொண்டுள்ளனர்.
தீவிரவாதியாக நடிக்கும் சமந்தா
பட வாய்ப்புகள் குறைந்து வரும் நிலையில் சமந்தா குழந்தை பெற்றுக் கொள்ள திட்டமிட்டுள்ளதாக கூறப்பட்டது. இந்நிலையில் அவர் பெரிய திரையில் தானே மவுசு குறைந்துள்ளது என்று வெப் சீரீஸ் பக்கம் கவனத்தை திருப்பியுள்ளார். ஃபேமிலி மேன் வெப் தொடரின் இரண்டாவது சீசனில் சமந்தா நடிக்க ஒப்புக் கொண்டுள்ளார். அதுவும் அவர் நெகட்டிவ் கதாபாத்திரத்தில் தீவிரவாதியாக நடிக்கிறார். சமந்தா இப்படி நடிக்க ஒப்புக் கொள்வார் என்று யாரும் எதிர்பார்க்கவில்லை.
சமந்தாவின் துணிச்சல்
பிற நடிகைகள் நடிக்கத் தயங்கும் கதாபாத்திரங்களை துணிந்து ஏற்று நடித்து வருகிறார் சமந்தா. சூப்பர் டீலக்ஸ் படத்தில் அவரின் கதாபாத்திரத்தை பார்த்து வியக்காதவர்களே இல்லை. இந்நிலையில் தான் அவர் துணிந்து தீவிரவாதியாக நடிக்கிறார். சமந்தா கையில் தற்போதைக்கு 96 படத்தின் தெலுங்கு ரீமேக் மட்டுமே உள்ளது. அந்த படத்தில் வரும் தனது காட்சிகளை நடித்துக் கொடுத்துவிட்டார் என்பது குறிப்பிடத்தக்கது.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
