நடிகை மந்த்ரா வீட்டில் கடந்த சில நாட்களாக வருமான வரித்துறையினர் சோதனை நடத்தி வருவதாக தகவல் வெளியாகியுள்ளது.
விஜய், அஜித், சத்யராஜ், அருண் விஜய், ஜீவா என்று முன்னணி நடிகர்களுடன் இணைந்து பல படங்களில் நடித்தவர் நடிகை மந்த்ரா. தமிழைத் தொடர்ந்து தெலுங்கிலும் பல படங்களில் நடித்துள்ளார். இந்த நிலையில் சென்னை மற்றும் ஆந்திராவில் உள்ள மந்த்ரா வீட்டில் கடந்த சில தினங்களாக வருமான வரித்துறையினர் சோதனை நடந்தி வந்துள்ளதாக தகவல் வெளியாகியுள்ளது.
கலர்ஸ் உடல் எடை குறைப்பு நிறுவனத்தின் உரிமையாளரின் நெருங்கி உறவினர் மந்த்ரா. ஏற்கனவே கலர்ஸ் நிறுவனத்தில் வருமான வரித்துறையினர் சோதனை நடத்தி வரும் நிலையில், தற்போது மந்த்ரா வீட்டிலும் சோதனை நடத்தி வந்துள்ளனர்.
கலர்ஸ் நிறுவனத்தின் விளம்பரத்தில் நடிகை ரம்பாவும் நடித்துள்ளார் என்பதால், அவரது வீட்டிலும் வருமான வரித்துறையினர் சோதனையிடுவதற்கு வாய்ப்பிருப்பதாக தகவல் தெரிவிக்கின்றது. சோதனையின் போது பணம் ஏதும் கிடைக்கவில்லை என்று கூறப்படுகிறது. மாறாக, ஆவணங்கள் மற்றும் ரசீதுகள் ஆகியவை மட்டுமே கிடைத்துள்ளதாக தெரிகிறது.
தமிழ்நாடு, தெலங்கானா மற்றும் ஆந்திரப்பிரதேசம் ஆகிய மாநிலங்கள் உள்பட மொத்தம் 48 இடங்களில் வருமான வரித்துறையினர் சோதனையில் ஈடுபட்டுள்ளனர் என்பது குறிப்பிடத்தக்கது.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
