விஜய் நடிப்பில் உருவாகியுள்ள பிகில் படத்தின் திரையரங்க உரிமையை கேரளாவில் பிரித்விராஜ் வாங்கியுள்ளார் என்ற தகவல் வெளியாகியுள்ளது.
விஜய் நடிப்பில் உருவாகியுள்ள படம் பிகில். தெறி, மெர்சல் ஆகிய படங்களின் வெற்றியைத் தொடர்ந்து 3 ஆவது முறையாக விஜய் – அட்லி கூட்டணியில் இந்தப் படம் உருவாக்கப்பட்டுள்ளது. பெண்களின் கால்பந்து விளையாட்டை மையப்படுத்தி இப்படத்தில் விஜய், அப்பா மற்றும் மகன் என்று இருவேறு கதாபாத்திரங்களில் நடித்துள்ளார். நயன்தாரா, விஜய்க்கு ஜோடியாக நடித்துள்ளார்.
இந்த நிலையில், கேரளாவில் பிகில் படத்தின் திரையரங்க உரிமையை கைப்பற்றுவதில், முன்னணி நிறுவனங்களுக்கு இடையில் கடும் போட்டி நிலவி வருவதாக கூறப்படுகிறது. எனினும், இப்படத்தை பிரித்விராஜ் வாங்கியுள்ளதாக தகவல் வெளியாகியுள்ளது. ஆனால், இது குறித்து முறையான அறிவிப்பு விரைவில் வெளியாகும் என்று எதிர்பார்க்கப்படுகிறது.
தமிழகத்தைப் போன்று கேரளாவிலும் விஜய்க்கு ஏராளமான ரசிகர்கள் இருக்கிறார்கள். விஜய்யின் ஒவ்வொரு படம் வெளியாகும் போது அதனை பிரமாண்டமாக கொண்டாடி வருகின்றனர். அந்த வகையில், தற்போது பிகில் படத்தின் வருகைக்காக காத்துக்கொண்டிருக்கின்றனர்.
படம் வெளியாகும் போது இப்படத்திற்கு கிடைக்கும் வரவேற்பே தனிதான். பிகில் படத்தில் விஜய்யுடன் இணைந்து விவேக், கதிர், டேனியல் பாலாஜி, இந்துஜா, வர்ஷா போலம்மா, ஜாக்கி ஷெராஃப் ஆகியோர் பலர் நடித்துள்ளனர். ஏஜிஎஸ் நிறுவனம் இப்படத்தை தயாரித்துள்ளது. ஏ.ஆர்.ரஹ்மான் இப்படத்திற்கு இசையமைத்துள்ளார். சமீபத்தில் இப்படத்தின் இசை வெளியீட்டு விழா பிரமாண்டமாக நடந்தது. இதையடுத்து, வரும் 12 ஆம் தேதி டிரைலர் வெளியாக இருக்கிறது.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
