ஏற்கனவே மாஸ்டர் படம் இவர்கள் கூட்டணியில் வெளியாகி நல்ல வரவேற்பை பெற்றது. தளபதி 67 படத்தில் விஜய்க்கு 50 வயது தாதா கதாபாத்திரம் என்றும் அவருக்கு வில்லன்களாக 6 முன்னணி நடிகர்கள் நடிக்க இருப்பதாகவும் கூறப்படுகிறது. மேலும், இப்படம் ரசிகர்கள் மத்தியில் நாளுக்கு நாள் எதிர்பார்ப்பை அதிகப்படுத்திக் கொண்டே வருகிறது.
இந்நிலையில் இயக்குனர் லோகேஷ் கனகராஜ் நடிகர் ஜெயம் ரவியை சந்தித்து கதை சொல்லியுள்ளதாக கூறப்படுகிறது. தளபதி 67 படத்திற்கு பிறகு இப்படத்தின் பணிகளை தொடங்கலாம் என்றும் விரைவில் இந்த கூட்டணி இணையவுள்ளதாகவும் தகவல் வெளியாகியுள்ளது. லோகேஷ்-ஜெயம் ரவியுடன் எடுத்துக் கொண்ட புகைப்படம் ஒன்றும் இணையத்தில் வலம் வந்து கொண்டிருக்கிறது. இதுகுறித்த அதிகாரப்பூர்வ அறிவிப்பு வெளியாகவில்லை என்றாலும் ரசிகர்கள் மத்தியில் எதிர்பார்ப்பு ஏற்பட்டுள்ளது.
- இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
