விஜய் நடிப்பில் உருவாகியுள்ள பிகில் படத்தின் டிரைலர் எப்போது வெளியாகும் என்ற அறிவிப்பு தற்போது வெளியாகியுளளது.
விஜய் நடிப்பில் உருவாகியுள்ள பிகில் படம் வரும் தீபாவளி பண்டிகையை முன்னிட்டு திரைக்கு வருகிறது. அண்மையில், இப்படத்தின் இசை வெளியீட்டு விழா பிரமாண்டமாக நடந்தது. இதையடுத்து, ரசிகர்கள் ஆவலுடன் காத்திருந்தது இப்படத்தின் டிரைலருக்காகத்தான். இந்த நிலையில், இப்படத்தின் டிரைலர் எப்போது வெளியாகும் என்று தயாரிப்பாளர் அர்ச்சனா கல்பாத்தி அறிவிப்பு வெளியிட்டுள்ளார்.
அதன்படி, வரும், 12 ஆம் தேதி இப்படத்தின் டிரைலர் வெளியாகும் என்று அதிகாரப்பூர்வமாக அறிவிக்கப்பட்டுள்ளது. இந்த டிரைலர் போஸ்டரில் விஜய் காரில் இருந்து இறங்குவது போன்று காட்டப்பட்டது. இது அப்பா விஜய் என்பது குறிப்பிடத்தக்கது.
பெண்களின் கால்பந்து விளையாட்டை மையப்படுத்திய பிகில் படத்தில் விஜய், பிகில் மற்றும் மைக்கேல் என்று இருவேறு கதாபாத்திரங்களில் அப்பா, மகனாக நடித்துள்ளார். இப்படத்தில் விஜய்க்கு ஜோடியாக நயன்தாரா நடித்துள்ளார். மேலும், விஜய்யுடன் இணைந்து, விவேக், கதிர், இந்துஜா, டேனியா பாலாஜி, வர்ஷா பொல்லம்மா, ஜாக்கி ஷெராஃப் ஆகியோர் பலர் நடித்துள்ளனர்.
ஏஜிஎஸ் நிறுவனம் இப்படத்தை தயாரித்துள்ளது. ஏ.ஆர்.ரஹ்மான் இசையமைத்துள்ளார். இவரது இசையில், விஜய் பாடிய வெறித்தனம் என்ற பாடல் ரசிகர்களிடையே நல்ல வரவேற்பைப் பெற்றுள்ளது என்பது குறிப்பிடத்தக்கது.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
