பாலிவுட் நடிகர் அக்ஷய் குமார் பெண் வேடத்தில் இருக்கும் புகைப்படம் ஒன்று சமூக வலைதளங்களில் வைரலாகி வருகிறது.
சரத்குமார், ராகவா லாரன்ஸ் ஆகியோர் பெண் வேடத்தில் பேயாக வந்து அசத்தியதைத் தொடர்ந்து தற்போது பாலிவுட் நடிகர் அக்ஷய் குமாரும் பெண் வேடத்தில் அசத்தியுள்ளார். ராகவா லாரன்ஸ் நடிப்பில் வந்த காஞ்சனா படத்தின் ஹிந்தி ரீமேக்கில் அக்ஷய் குமார் விறுவிறுப்பாக நடித்து வருகிறார்.
அதுவும், பெண் வேடம் ஏற்று நடித்து வருகிறார். இந்த நிலையில், நவராத்திரி கொண்டாட்டத்தை முன்னிட்டு தான் தனது ட்விட்டர் பக்கத்தில் பெண் வேடத்தில் இருக்கும் புகைப்படத்தை வெளியிட்டுள்ளார். இது குறித்து அவர் கூறுகையில், நவராத்திரி என்பத தெய்வத்தை வணங்குவதும், உங்களது வரம்பற்ற வலிமையைக் கொண்டாடுவதும் ஆகும்.
இந்த நாளில், எனது லட்சுமி கதாபாத்திரத்தில் புகைப்படத்தை உங்களுடன் பகிர்ந்து கொள்கிறேன். இந்த கதாபாத்திரத்தின் மூலம் உற்சாகமாகவும், பதட்டமாகவும் இருக்கிறேன். நமது கம்போர்ட் ஜோனின் முடிவில் இருந்து வாழ்க்கை தொடங்குகிறது இல்லையா? என்று அவர் குறிப்பிட்டுள்ளார்.
இந்தப் புகைப்படம் சமூக வலைதளங்களில் வைரலாகி வருகிறது. லட்சுமி பாம் என்று டைட்டில் வைக்கப்பட்டுள்ள இப்படத்தை ராகவா லாரன்ஸ்தான் இயக்கி வருகிறார். இப்படத்தில் அக்ஷய் குமாருக்கு ஜோடியாக கியாரா அத்வானி நடிக்கிறார். வரும் 2020 ஆம் ஆண்டு ஜூன் 5 ஆம் தேதி இப்படம் திரைக்கு வருகிறது என்பது குறிப்பிடத்தக்கது.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
