கமல் ஹாசன் தொகுத்து வழங்கும் பிக் பாஸ் 3 நிகழ்ச்சி நேற்றைய நிகழ்ச்சியின் மூலம் புதிய உச்சத்தை எட்டியது என்று கூறலாம். அது இன்று தொடரும் என்று கூறப்படுகிறது. இதற்கு என்ன காரணம், சிம்பு, ரஜினிகாந்த், த்ரிஷா, விஜய், அஜித், சரோஜா தேவி, தமன்னா, ரம்யா கிருஷ்ணன் ஆகியோர் பிக் பாஸ் வீட்டிற்கு வந்தது தான்.
ஆம், நேற்றைய நிகழ்ச்சியில், ரஜினி, கமல் ஹாசன், விஜயகாந்த், அஜித், விஜய், ரம்யா கிருஷ்ணன், சரோஜா தேவி, தமன்னா, சிம்பு என்று பிக் பாஸ் போட்டியாளர்கள் அவர்களது கெட்டப் அணிந்து கொண்டு அவர்களது பாடலுக்கு நடனம் ஆடி பாரவையாளர்களை வெகுவாக கவர்ந்துள்ளனர். இந்நிகழ்ச்சியை சினிமா பிரபலங்களும் பார்த்து மகிழ்ந்திருக்கலாம் என்று கூறப்படுகிறது. அந்த அளவிற்கு அவர்களது கெட்டப் மற்றும் பாவணை எல்லாமே இருந்தது என்று கூறப்படுகிறது.
https://twitter.com/hazelists/status/1156146506367266818
குறிப்பாக சாண்டியின் பேச்சு, சேரனின் நடனம், மதுமிதாவின் முக பாவணை எல்லாவற்றையும் உதாரணமாக கூறலாம். இதற்கு லோஸ்லியாவும் சலித்தவர் அல்ல என்பதை விளக்கும் வகையில், திருப்பாச்சி படத்தில் வரும் கட்டு கட்டு கீரை கட்டு என்ற பாடலுக்கு 96 படத்தில் நடித்திருந்த த்ரிஷாவின் கெட்டப் போட்டுக்கொண்டு நடனம் ஆடி ரசிகர்களுக்கு விருந்து கொடுத்துள்ளார்.
அதுமட்டுமல்லாமல், இந்நிகழ்ச்சியின் இறுதியில், இலங்கை நாட்டு கலாச்சாரத்தைப் பற்றியும் மற்ற போட்டியாளர்களுக்கு தெரிவித்துள்ளார். யாழ்ப்பாணம், திருகோணமலை என்று பல இடங்களில் வெவ்வேறு மொழி பேசும் மக்கள் தான் வாழ்கிறார்கள். பெரும்பாலும் தமிழை விட சிங்களம் மொழி தான் அதிகமாக பேசப்படுகிறது. எனது பள்ளிக்கு நேர் எதிரில் தான் திரையரங்கம். எப்போது பள்ளி விடும் என்று காத்திருப்பேன். பள்ளி முடிந்தவுடனேயே எந்த நடிகரின் படத்திற்கு கட் அவுட், பேனர் என்று வைத்திருக்கிறார்கள். எவ்வளவு அடியில் இருக்கிறது என்பதையெல்லாம் ஆச்சரியத்துடன் பார்ப்பேன் என்றார். மேலும், இங்கேயும் பொங்கல், தீபாவளி என்றெல்லாம் கொண்டாடுவார்கள் என்பதையும் தெரிவித்துள்ளார்.
https://twitter.com/hazelists/status/1156244479633793024
இந்த நிலையில், நேற்றைய பிக் பாஸ் நிகழ்ச்சியில் லோஸ்லியாவின் நடனம் குறித்து நடிகை த்ரிஷா ஸ்டேட்டஸ் போட்டுள்ளார். இது குறித்து அவர் கூறியிருப்பதாவது: பிக் பாஸ் வீட்டில் திருப்பாச்சி படத்திலிருந்து வரும் கட்டு கட்டு என்ற பாடலுக்கு ஜானு டான்ஸ் ஆடியதாக கூறப்படுகிறது. அதனால், இந்த நிகழ்ச்சியை 96 படத்தோடு பார்க்கப் போகிறேன் என்று பதிவிட்டுள்ளார் என்பது குறிப்பிடத்தக்கது.
* இந்த பதிவு உங்களுக்கு பயனுள்ளதாக இருந்தால், உங்கள் நண்பர்களுடன் பகிர்ந்து கொள்ளுங்கள்.
