“பாக்ஸா்” பா்ஸ்லுக் போஸ்டரில் மிரட்டும் அருண் விஜய்
அருண் விஜய் நடித்து வரும் பாக்ஸர் படத்தின் ஃபர்ஸ்ட் லுக் போஸ்டா் நேற்று வெளியிடப்பட்டது. எந்தவிதமான முன் அறிவிப்பும் இன்றி போஸ்டா் வெளியிடப்பட்டது குறித்து படத்தின் நாயகன் அருண் விஜய் விளக்கம் அளித்துள்ளாா்.
அருண் விஜய் தமிழில் மிக முக்கியமான நடிகராக வளர்ந்து வருபவர். பல வருடங்களாக சினிமாவில் இருந்தாலும் தகுதியான வெற்றி கிடைக்கமல் அல்லாடி வந்தார். அஜித்துடன் நடித்த என்னை அறிந்தால் திரைப்படம், அவருக்கு மிகப்பெரிய பிரேக் கொடுத்தது. அதன் பிறகு மணிரத்னத்தின் செக்கச் சிவந்த வானம் படத்தில் நடித்து புகழ் பெற்றார். அவர் நடித்த தடம் படம் இந்த வருடத்தின் சிறந்த வெற்றி படங்களுள் ஒன்றாக விளங்குகிறது. தற்போது அவர் தான் நடிக்கும் படங்களை வெகு கவனத்துடன் தேர்வு செய்து நடித்து வருகிறார்.
புதுமுக இயக்குனர் விவேக் இயக்கத்தில் பாக்ஸர் திரைப்படத்தில் உடலை முழுதாக மாற்றி பாகஸராக அருண்விஜய் நடித்து வருகிறார். இறுதிச்சுற்று புகழ் ரித்திகா சிங்க் அவருக்கு ஜோடியாக நடித்து வருகிறார். இப்படத்தின் கதை குத்துச்சண்டை போட்டியை அடிப்படையாக கொண்டு அமைக்கப்பட்டுள்ளது. இப்படதிற்காக அவர் கடுமையாக உழைத்து வருகிறார். இப்படத்தின் ஃபர்ஸ்ட் லுக்கை மிகப்பிரமாண்டமாக வெளியிட படக்குழு திட்டமிட்டு இருந்தது.
9 மாத கடின உழைப்பு..
இதோ உங்கள் பார்வைக்கு ! 🙏 #BOXER 💪 #BoxerFirstLook @EtceteraEntert1 #DirVivek @ritika_offl pic.twitter.com/SG2k1xqDDs— ArunVijay (@arunvijayno1) July 5, 2019
இந்த நிலையில் இப்படத்தின் ஃபர்ஸ்ட்லுக் நேற்று மாலை திடீரென லீக் ஆனது. படக்குழு இதனால் அதிர்ச்சி அடைந்தது. இந்த விவகாரத்தில் அதிருப்தி அடைந்த அருண் விஜய் நள்ளிரவில் வீடியோ ஒன்றை வெளியிட்டுள்ளார்.
Reason behind sudden launch of #Boxer’s first look… pic.twitter.com/oUxcKLu5Qz
— ArunVijay (@arunvijayno1) July 4, 2019
இதை பெரிய பில்டப் செய்து வெளியிடலாம் என இருந்தேன் ஆனால் நேற்றே லீக் ஆகிவிட்டது என்றும், அதனால் தற்போது அதை அவசரமாக வெளியிட்டுள்ளனர் என அருண் விஜய் பேசியுள்ளார். வித்தியாசமான லுக்கில் இருக்கும் அருண் விஜய்யின் ஃப்ர்ஸ்ட் லுக்கை அனைவரும் பாராட்டி வருகினறனர்.
