சூர்யா, ஜோதிகா நடித்த வெற்றிப்படங்களில் ஒன்றான ‘காக்க காக்க’ படத்தில் இடம்பெற்ற அனைத்து பாடல்களும் சூப்பர்ஹிட் என்றாலும் ஜோதிகாவுக்கு மிகவும் பிடித்த பாடல் ‘ஒன்றா இரண்டா’ என்ற பாம்பே ஜெயஸ்ரீ பாடிய பாடல்தான். இதனை ஜோதிகா பலமுறை பேட்டிகளில் கூறியுள்ளார்.
இந்த நிலையில் தற்போது கணவர் ஆர்யாவுடன் ஜோடி சேர்ந்து ‘டெடி’ என்ற படத்தில் நடித்து வரும் நடிகை சாயிஷா, படப்பிடிப்பின் இடையே கிடைத்த ஓய்வு நேரத்தில் ‘ஒன்றா இரண்டா’ பாடலை பாடி அதனை வீடியோ எடுத்து தனது சமூக வலைத்தளத்தில் பதிவு செய்துள்ளார். மும்பையை சேர்ந்த தமிழ் தெரியாத ஒரு பெண், தமிழ்ப்பாடலை பிழையின்றி ஜோராக பாடியதை கேட்டு நெட்டிசன்கள் அவருக்கு பாராட்டுக்களை தெரிவித்து வருகின்றனர்.
எனக்கு பாடுவது மிகவும் பிடிக்கும் என்றும், படப்பிடிப்பின் இடையில் கிடைத்த ஓய்வு நேரத்தில் இந்த பாடலை பாடினேன் என்றும் குறிப்பிட்ட சாயிஷா, பயிற்சி எடுத்து கொள்ளாமல் இந்த பாடலை தான் பாடியதாகவும், இதில் ஏதும் பிழை இருந்தால் பொறுத்துகொள்ளவும் என்றும் குறிப்பிட்டுள்ளார்.
https://twitter.com/sayyeshaa/status/1145954128834834432
* இந்த பதிவு உங்களுக்கு பயனுள்ளதாக இருந்தால், உங்கள் நண்பர்களுடன் பகிர்ந்து கொள்ளுங்கள்.
