தமிழ் திரையுலகில் வேகமாக வளர்ந்து நடிகர்களில் ஒருவராக சிவகார்த்திகேயன் இருக்கிறார். இவரது படங்கள் தொடர் வெற்றிகளை வாரிக் குவித்து வருகின்றன. ‘சீமராஜா’ படத்திற்கு பின், சிவகார்த்திகேயன் நடிக்கும் படம் மிஸ்டர்.லோக்கல்.
இவருக்கு ஜோடியாக நயன்தாரா நடித்துள்ளார். மேலும் யோகி பாபு, ராதிகா சரத்குமார், சதீஷ், ரோபோ சங்கர் உள்ளிட்ட பலர் நடித்துள்ளனர். ஹிப் ஹாப் தமிழா இசையமைத்துள்ளார். இந்தப் படத்தை ராஜேஷ் இயக்கியுள்ளார்.
ஸ்டுடியோ கிரீன் நிறுவனம் தயாரித்துள்ளது. இந்தப் படத்தின் டீசர், டிரைலர் மற்றும் பாடல்கள் வெளியாகி, ரசிகர்கள் மத்தியில் நல்ல வரவேற்பை பெற்றது. இதன் தொலைக்காட்சி உரிமையை சன் டிவி வாங்கியுள்ளது.
உலகம் முழுவதும் நாளை திரைக்கு வரவுள்ளது. இதற்கான விளம்பர வேலைகள் தீவிரமாக நடைபெற்று வருகின்றன. இந்நிலையில் படக்குழுவினர் வெளியிட்டுள்ள வீடியோ ஒன்றில், சிவகார்த்திகேயன் மற்றும் ராதிகா டூவீலரில் பயணிக்கின்றனர்.
Always better to take our mom's advice 🤱 Learn things from our #MrLocal 😉😉#MrLocalOnMay17 #MrLocalin3days @Siva_Kartikeyan #Nayanthara @rajeshmdirector
@actorsathish @iYogiBabu @hiphoptamizha @SF2_official @DoneChannel1 @malikstreams @thinkmusicindia pic.twitter.com/NFlQrqv08L— Studio Green (@StudioGreen2) May 14, 2019
அப்போது சாலையில் இருப்பவர்கள் அனைவரும் தங்கள் ஹெல்மெட்டை விமர்சிப்பதாக ராதிகா கூறுகிறார். அதற்கு, நாம் சரியாக இருந்தாலே நம் ஊரில் ஒருமாதிரி தான் பார்ப்பார்கள். நமக்கு தல தான் முக்கியம் என்று சிவகார்த்திகேயன் பதிலளிக்கிறார்.
இந்த வீடியோ தற்போது வைரலாகி வருகிறது. முன்னதாக விஸ்வாசம் படத்தில் அஜித் ஹெல்மெட் அணிந்து சென்றது, காரில் சீட் பெல்ட் அணிந்து பயணிப்பது என காட்சிகள் இடம்பெற்றிருந்தன.
இதனை சென்னை காவல் துணை ஆணையர் சரவணன் வெகுவாகப் பாராட்டினார். அஜித் செய்த அதே செயலை, சிவகார்த்திகேயனும் தனது படத்தில் செய்திருப்பது அனைவரது கவனைத்தையும் ஈர்த்துள்ளது.
* இந்த பதிவு உங்களுக்கு பயனுள்ளதாக இருந்தால், உங்கள் நண்பர்களுடன் பகிர்ந்து கொள்ளுங்கள்.
