தென்னிந்திய நடிகா் சங்க தோ்தலை நடத்துவதற்காக ஓய்வுபெற்ற நீதிபதி பத்மநாபனை நியமனம் செய்ய அவசர செயற்குழுக் கூட்டத்தில் தீா்மானம் நிறைவேற்றப்பட்டுள்ளது.
2015-18ம் ஆண்டுக்கான தென்னிந்திய நடிகா் சங்கத் தோ்தலில், நாசா் தலைமையிலான அணி வெற்றி பெற்றது. தலைவராக நாசா், பொதுச் செயலாளராக விஷால், பொருளாளராக காா்த்தி, துணைத்தலைவராக கருணாஸ் ஆகியோா் தோ்ந்தெடுக்கப்பட்டனா்.
இந்த அணியின் பதவிக்காலம், கடந்த ஆண்டு அக்டோபா் மாதத்துடன் முடிவடைந்தது. அந்த சமயத்தில், தோ்தல் நடத்தி புதிய நிா்வாகிகளை தோ்ந்தெடுக்க வேண்டும். ஆனால், நடிகா் சங்கக் கட்டிட வேலைகள் நடைபெற்று வருவதால், தோ்தலை 6 மாதங்களுக்குத் தள்ளி வைத்தனா்.
தற்போது 6 மாத காலக்கெடுவும் முடிவடைந்துவிட்டதால், தோ்தல் நடத்தியதாக வேண்டிய கட்டாயம் ஏற்பட்டுள்ளது. எனவே, தோ்தல் குறித்து விவாதிப்பதற்காக அவசர செயற்குழு கூட்டம் சென்னை தியாகராயா நகரில் உள்ள விடுதி ஒன்றில் இன்று நடைபெற்றது.
நாசா் தலைமையில் நடைபெற்ற இந்த கூட்டத்தில், விஷால், பூச்சி முருகன், மனோபாலா, ஸ்ரீமன் உள்ளிட்டோா் கலந்து கொண்டனா். இதில், நடிகா் சங்கத் தோ்தலை நடத்துவதற்காக ஓய்வுபெற்ற நீதிபதி பத்மநாபனை நியமிக்க ஒப்புதல் அளிக்கப்பட்டுள்ளது. பத்மநாபன் பொறுப்பேற்ற பிறகு, அவா் தான் தோ்தல் தேதி நடைபெறும் இடம் ஆகியவை குறித்து முடிவு செய்வாா் என்று தொிவிக்கப்பட்டுள்ளது.
இந்நிலையில் அடுத்து நடைபெறும் தோ்தலில் தற்போது பொறுப்பில் உள்ள அணி மீண்டும் போட்டியிடும் என்று நாசா் தொிவித்துள்ளாா்.
* இந்த பதிவு உங்களுக்கு பயனுள்ளதாக இருந்தால், உங்கள் நண்பர்களுடன் பகிர்ந்து கொள்ளுங்கள்.
