அரவிந்தசாமி நடிக்கும் புதிய படத்தில் நடிப்பதற்கு 17 வயது பள்ளி மாணவி தேவை என்று அடல்ட் காமெடி பட இயக்குனர் சந்தோஷ் ஜெயக்குமார் விளம்பரம் செய்துள்ளார்.
கௌதம் கார்த்திக் நடிப்பில் வந்த ஹர ஹர மகாதேவகி மற்றும் இருட்டு அறையில் முரட்டு குத்து ஆகிய படங்களை இயக்கியவர் இயக்குனர் சந்தோஷ் ஜெயக்குமார். இந்த இரு படங்களைத் தொடர்ந்து சந்தோஷ் ஜெயக்குமார் இயக்கும் புதிய படத்தில் நடிப்பதற்கு அரவிந்தசாமி ஒப்பந்தம் செய்யப்பட்டார். அண்மையில் இப்படத்திற்கான பூஜையும் எளிமையான முறையில் நடந்துள்ளது. இப்படத்தில் அரவிந்தசாமி ஒரு துப்பறியும் நிபுணராக நடிக்க இருப்பதாக கூறப்படுகிறது.
இந்த நிலையில், இப்படத்தில் முக்கிய ரோலில் நடிப்பதற்கு 17 வயது பள்ளி மாணவி தேவை என்றும், விருப்பம் உள்ளவர்கள் மேக்கப் இல்லாத புகைப்படத்தை அனுப்பி வரும் 15ம் தேதி நடக்கயிருக்கும் ஆடிஷனில் கலந்து கொள்ளுமாறு விளம்பரம் செய்துள்ளார். மேலும், தகுதியாக அழகான, கம்பீரமான தமிழ் பேசும் திறன் இருக்க வேண்டும் என்று அவர் குறிப்பிட்டுள்ளார்.
முதலில் 17 வயது பள்ளி மாணவி தேவை என்பதை அறிந்த பலரும் அதிர்ச்சியுற்றதாக கூறப்படுகிறது. அதோடு, சினிமாவா எதுக்கு என்று கேட்டதாகவும் சமூக வலைதளங்களில் தகவல் வெளியாகி வருகிறது என்பது குறிப்பிடத்தக்கது.
* இந்த பதிவு உங்களுக்கு பயனுள்ளதாக இருந்தால், உங்கள் நண்பர்களுடன் பகிர்ந்து கொள்ளுங்கள்.
