அட்லி இயக்கத்தில் விஜய் மூன்று வேடங்களில் நடித்து வெளியான படம் ‘மெர்சல்’. இந்த படத்தில் இடம்பெற்ற ஆளப்போறான் தமிழன் பாடல் 100 மில்லியன் (10 கோடி) பார்வையை தாண்டிய் யூ-டியூபில் சாதனைப் படைத்துள்ளது.
மெர்சல் படம் வெளியாவதற்கு முன்னும், படம் வெளியான உடனேயும் அதில் இடம் பெற்றுள்ள வசனங்களால் பல்வேறு சர்ச்சைகளை சந்தித்தன. படத்தை தடை செய்ய வேண்டும், வசனத்தை நீக்க வேண்டும் என பல் ஆர்பாட்டங்கள் நடைப்பெற்றன.
இது ஒருவகையில் மெர்சல் படத்திற்கு பெரிய விளம்பரமாகவும், படத்தை பார்க்க வேண்டும் என்ற ஆர்வத்தையும் பலருக்கு ஏற்படுத்தவே, படம் சூப்பர் டூப்பர் ஹிட் அடித்தது.
100 மில்லியன் பார்வை:
இந்நிலையில் படத்தில் இடம்பெற்ற ‘ஆளப்போறான் தமிழன்’ பாடல் பட்டிதொட்டி எங்கும் விருப்பப் பாடலாக கேட்கப்பட்டது.
இதன் காரணமாக யூடியூபில் ஆளப்போறான் தமிழன் 100 மில்லியன் (10 கோடி) பார்வையை தாண்டி பார்க்கப்பட்டுள்ளது.
யூடியூபில் அதிகம் பார்க்கப்பட்ட பாடல்களில் தமிழில் முதல் இடம்பிடித்துள்ளதாக கூறப்படுகின்றது. இதனால் விஜய் ரசிகர்கள் குஷியில் உள்ளனர்.
* இந்த பதிவு உங்களுக்கு பயனுள்ளதாக இருந்தால், உங்கள் நண்பர்களுடன் பகிர்ந்து கொள்ளுங்கள்.
