இயக்குனர் மணிரத்னம் இயக்கிய ‘ஆயுத எழுத்து’ திரைப்படத்தில் நடிகர் சூர்யாவும், மாதவனும் முதல்முறையாக இணைந்து நடித்தனர். இந்த படம் இவர்கள் இருவருக்குமே வெற்றி படமாக அமைந்தது. அதன்பின் கமல்ஹாசன், மாதவன் நடித்த ‘மன்மதன் அன்பு’ படத்தில் சூர்யா கெஸ்ட் ரோலில் நடித்திருந்தார்.
இந்த நிலையில் நீண்ட இடைவெளிக்கு பின் தற்போது மாதவன் நடிக்கும் படம் ஒன்றில் சூர்யா ஒரு சிறு வேடத்தில் நடிக்க உள்ளதாக கூறப்படுகிறது.
மாதவன் நடித்து இயக்கி வரும் திரைப்படம் ‘ராக்கெட்டரி’. விஞ்ஞானி நம்பி நாராயணன் வாழ்க்கை வரலாறு திரைப்படமான இந்த படத்தில் ஒரு சிறப்பு தோற்றதில் தான் நடிகர் சூர்யா நடிக்கவிருப்பதாக தகவல் வந்துள்ளது. அதேபோல் இந்த படத்தின் இந்தி பதிப்பில் இந்த கேரக்டரில் ஷாருக்கான் நடிக்கவுள்ளார்.
மாதவன், சிம்ரன், உள்பட பலர் நடித்து வரும் இந்த படத்திற்கு சாம் சிஎஸ் இசையமைத்து வருகிறார். சிர்ஷா ராய் ஒளிப்பதிவில், சதீஷ் சூர்ய படத்தொகுப்பில் இந்த படம் தமிழ், ஆங்கிலம் மற்றும் இந்தி என மூன்று மொழிகளில் உருவாகி வருவது குறிப்பிடத்தக்கது.
* இந்த பதிவு உங்களுக்கு பயனுள்ளதாக இருந்தால், உங்கள் நண்பர்களுடன் பகிர்ந்து கொள்ளுங்கள்.
