நம்பி நாராயணன் படத்துக்காக முதியவரின் தோற்றத்தை அடைந்த மாதவன் 12 நாட்களில் பழையபடி மாறியது எப்படி என்ற வீடியோவை வெளியிட்டுள்ளார்!
அலைப்பையுதே படத்தில் மூலம் அறிமுகமானவர் நடிகர் மாதவன். சாக்லேட் பாயாக இருந்த மாதவன் இறுதிச்சுற்று படத்தில் தனது தோற்றத்தை மாற்றி வித்தியாசமான பாத்திரத்தில் நடத்தார். தொடர்ந்து புதிய புதிய வேடங்களைத் தேர்வு செய்து நடிக்கும் அவர் நடிப்பில் சமீபத்தில் வெளியான விக்ரம் வேதா படம் அனைவரது பாராட்டையும் பெற்றது.
இந்நிலையில் அடுத்து இஸ்ரோ விஞ்ஞானி பற்றிய ராக்கெட்ரி – தி நம்பி எஃபெக்ட் என்ற படத்தில் நடிக்கிறார். இதற்காக நம்பி நாராயணன் போலவே தனது தோற்றத்தை மாற்றி நடித்துள்ளார்.
இது பற்றி ட்விட்டரில் பதிவிட்டுள்ள அவர் வீடியோ இணைப்பு ஒன்றை பகிர்ந்துள்ளார். அதில், நம்பி நாராயணன் போன்ற தோற்றத்தைப் பெறுவதற்காக 2 நாட்கள் ஒரே நாற்காலியில் 14 மணி நேரம் அமர்ந்திருந்தேன் என்று கூறியுள்ளார்.
தலைமுடி, தாடி என ஆகியவை நம்பி நாராயணன் போலவே மாறிய அவர் தொப்பையையும் வளர்த்திருக்கிறார். அதிசயமாக அடுத்த 12 நாட்களில் எந்த டயட் முறையையும் பின்பற்றாமல் பழைய தோற்றத்துக்கு மாறியுள்ளார்.
* இந்த பதிவு உங்களுக்கு பயனுள்ளதாக இருந்தால், உங்கள் நண்பர்களுடன் பகிர்ந்து கொள்ளுங்கள்.
