பாலிவுட்டில் முன்னணி நடிகையாகத் திகழ்பவர் பிரியங்கா சோப்ரா. பாலிவுட் மட்டுமின்றி, ஹாலிவுட்டிலும் கலக்கி வருகிறார். ‘மிஸ் வேர்ல்டு 2000’ பட்டம் பெற்ற இவருக்குத் தற்போது 35 வயதாகிறது.
விஜய் ஜோடியாக 2002-ம் ஆண்டு வெளியான ‘தமிழன்’ படத்தில் அறிமுகமானார் பிரியங்கா சோப்ரா. இவர் ஹீரோயினாக அறிமுகமான படம் இது. அதன்பிறகு ஹிந்திப் படங்களில் கவனம் செலுத்தியவர், தமிழில் நடிக்கவேயில்லை.இந்நிலையில், ட்விட்டரில் இரண்டு கோடி ஃபாலோயர்களைக் கடந்துள்ளார் பிரியங்கா சோப்ரா. இந்தியாவில் 2 கோடி ஃபாலோயர்களைக் கொண்டுள்ள 10வது பிரபலம் இவர். இதையொட்டி ரசிகர்கள் கேட்ட கேள்விக்கு அவர் பதிலளித்தார்.
அதில், சுவாரசியமான சில கேள்வி – பதில்களைப் பார்க்கலாம்.
கேள்வி: எந்த பெண் பாப் பாடகருடன் இணைந்து பணியாற்ற விரும்புகீறீர்கள்?
பதில்: ரிகன்னாவுடன் இணைந்து பணியாற்ற விரும்புகிறேன். அவர் மிகச்சிறந்தவர்.
கேள்வி: 2018ஆம் ஆண்டில் நீங்கள் என்ன எதிர்பார்க்கிறீர்கள்?
பதில்: நான் இன்னும் வலிமையாக இருக்க வேண்டும்.
கேள்வி: வருண் தவானைப் பற்றி ஒரு வார்த்தையில் சொல்லுங்கள்?
பதில்: பரபரப்பானவர்.
கேள்வி: ‘தமிழன்’ படத்துக்குப் பிறகு மறுபடியும் விஜய்யுடன் இணைந்து நடிப்பீர்களா?
பதில்: விஜய்யுடன் இணைந்து நடிக்க “ஐ ஆம் வெயிட்டிங்” . ஏனெனில், நான் விஜய்யின் மிகப்பெரிய ரசிகை.
கேள்வி: உங்கள் பிட்னெஸ் ரகசியம்?
பதில்: உங்களுக்குப் பிடித்தாலும், பிடிக்காவிட்டாலும் ஜிம்முக்குச் செல்லுங்கள்.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி#
