அமெரிக்க பாப் பாடகரான நிக் ஜோனாஸை ஏமாற்றவே பாலிவுட் நடிகை பிரியங்கா சோப்ரா திருமணம் செய்துள்ளார் என்று அமெரிக்க இணையதளம் செய்தி வெளியிட்டது பெரும் சர்ச்சையை ஏற்படுத்தியுள்ளது.
பாலிவுட் முன்னணி நடிகையான பிரியங்கா சோப்ரா (36), தன்னைவிட 10 வயது குறைந்த அமெரிக்க பாப் பாடகரான நிக் ஜோனாசை காதலித்து திருமணம் செய்து கொண்டார். கடந்த, 1ம் தேதி ராஜஸ்தான் மாநிலம் ஜோத்பூரில் உள்ள உமைத் பவான் என்ற அரண்மனையில் வைத்து வானவேடிக்கையுடன் கோலாகலமாக நடந்துள்ளது. முதலில் கிறிஸ்துவ முறைப்படி நடந்த இவர்களது திருமணம் அதன் பிறகு இந்து முறைப்படை நடந்தது.
இந்த திருமண நிகழ்ச்சிக்கு குடும்ப உறவினர்கள், நண்பர்கள் என்று பலரும் கலந்து கொண்டனர். இவ்வளவு ஏன், பிரதமர் நரேந்திர மோடியும் பிரியங்கா சோப்ராவின் திருமண வரவேற்பு நிகழ்ச்சியில் கலந்து கொண்டுள்ளார் என்பது குறிப்பிடத்தக்கது. இந்த நிலையில், பிரியங்கா சோப்ரா திருமணம் குறித்து அமெரிக்க இணையதளம் ஒன்று அவதூறு செய்தி வெளியிட்டது.
அதில், பிரியங்கா சோப்ரா ஒரு ஏமாற்றுக்காரர் என்றும், நிக் ஜோனாஸை அவரது விருப்பம் இல்லாமல் கட்டாயப்படுத்தி திருமணம் செய்து கொண்டதாகவும் கூறப்பட்டுள்ளது. மேலும், இருவரது காதல் உண்மையில்லை என்றும், ஹாலிவுட்டில் அதிக படங்களில் கவனம் செலுத்தவே நிக் ஜோனாஸை திருமணம் செய்துள்ளார் என்று குறிப்பிடப்பட்டிருந்தது.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
