விஜய் சேதுபதி நடிப்பில் உருவாகி வரும் சூப்பர் டீலகஸ் படத்தில் ஷில்பா கதாபாத்திரத்தின் புதிய புகைப்படம் வைரலாகி வருகிறது.
ரஜினி, கமல், சத்யராஜ் தொடங்கி பெரும்பாலான முன்னணி நடிகர்கள் பலரும் பெண் வேடம் அணிந்து நடித்துள்ளனர். தற்போது இந்த வரிசையில் விஜய் சேதுபதியும் சேர்ந்துள்ளார். தியாகராஜன் குமாரராஜா இயக்கத்தில் உருவாகி வரும் படம் சூப்பர் டீலக்ஸ். இந்தப் படத்தில் விஜய் சேதுபதி ஹீரோவாக நடிக்கிறார்.
மேலும் படத்தில் பகத் பாசில், சமந்தா, மிஷ்கின், ரம்யாகிருஷ்ணன், காயத்ரி உட்பட பலர் நடிக்கின்றனர். இப்படத்தின் திரைக்கதையை தியாகராஜன் குமாரராஜாவுடன் இணைந்து நலன் குமாரசாமி, மிஷ்கின், நீலன் கே.சேகர் ஆகியோர் எழுதி உள்ளனர். படத்திற்கு யுவன் சங்கர் ராஜா இசையமைக்கிறார்.
இப்படத்தில் விஜய் சேதுபதி திருநங்கையாக நடித்து வருகிறார். சில மாதங்களுக்கு முன் அவர் திருநங்கை வேடத்தில் இருக்கும் ஒரு புகைப்படமும் வெளியானது. இதையடுத்து, திருநங்கையான ஷில்பா கதாபாத்திரத்தின் புதிய புகைப்படமும் வெளியாகி வைரலாகி வருகிறது.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
