‘லியோ’ படத்தில் இடம்பெற்ற “நா ரெடி” பாடல் வெளியாகி ரசிகர்களை தொடர்ந்து கவர்ந்து வருகிறது. சமீபத்தில் இப்படத்தில் படப்பிடிப்பு நிறைவுபெற்றது. இதையடுத்து இப்படத்தின் போஸ்ட் புரொடக்ஷன் பணிகள் விறுவிறுப்பாக நடைபெற்று வருகிறது.
இந்நிலையில், தனியார் கல்லூரி நிகழ்ச்சி ஒன்றில் இயக்குனர் லோகேஷ் கனகராஜ் கலந்துகொண்டார். அங்கு மாணவர்களின் கேள்விக்கு பதிலளித்த அவர், “வாய்ப்பு கிடைக்கும் போது அஜித்தை வைத்து படம் இயக்குவேன். ‘லியோ திரைப்படம் எல்.சி.யூ (LCU)-வா என்று தெரிவதற்கு மூன்று மாதங்கள் உள்ளது. அதை இப்போதே சொல்லிவிட்டால் பின்னர் சொல்லுவதற்கு எதுவும் இருக்காது. ‘லியோ’ திரைப்படம் கைதி மாதிரியான திரைப்படம்” என்று கூறினார். மேலும், மாணவர்கள் உங்கள் படத்தில் கதாநாயகிகள் இறந்துவிடுவார்கள் திரிஷாவிற்கு எதுவும் ஆகாமல் பார்த்துக் கொள்ளுங்கள் என்று கூறினார். அதற்கு லோகேஷ் எதுவும் ஆகாது என்று பேசினார்.
- இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
