பிறகு ஜெகனின் உதவியால் அவருடன் பைக்கின் பின்னால் அமர்ந்து கொண்டு ஊருக்கு செல்கிறார். வழியில் பைக் பழுதாகி நிற்க, அந்த வழியாக காரை ஓட்டிக்கொண்டு வரும் ராம்ஸிடம் இருவரும் லிப்ட் கேட்கின்றனர். திடீரென காரை நிறுத்திய ராம்ஸ், ஈடனை கடத்தி விடுகிறார். கடத்திய ஈடனை ஜெகன் தேடி அலைகிறார். இறுதியில் ஜெகன், ஈடனை கண்டுபிடித்தாரா? இல்லையா? தனது காதலை ஈடனிடம் தெரிவித்தாரா? என்பதே படத்தின் மீதிக்கதை.
கார் ஓட்டுனராக வரும் ஜெகன், அழுத்தமான நடிப்பை கொடுத்திருக்கிறார். தனது ஒரு தலை காதலை வெளிப்படுத்த நினைக்கும் இடங்களில் நல்ல நடிப்பை கொடுத்துள்ளார். நாயகியின் பார்வைக்காக ஏங்குவது, காதல் தோல்வியில் உடைவது, நாயகியை கடத்தியதும் பதறுவது என எதார்த்தமாக நடித்துள்ளார். காதலியாக நடித்துள்ள ஈடன் சிறப்பாக நடித்துள்ளார். இவரை கடத்திய பின்னர் தப்பிக்க போராடும் இடங்களில் பதற்றமடைய செய்துள்ளார்.
பால சரவணனின் நகைச்சுவை ஆங்காங்கே சிரிக்க வைத்திருக்கிறார். தந்தையாக வரும் வெங்கடேஷ் கவனம் பெறுகிறார். தோழிகளாக வரும் வைஷாலி, ஸ்ரீ நிகிலா, ஐஸ்வர்யா மற்றும் பூ ராமு, ராம்ஸ் ஆகியோர் அவர்களின் பணியை சரியாக செய்துள்ளனர். எதார்த்தக் கதையை திரைக்கதையின் மூலம் விறுவிறுப்பாக முயற்சித்து இருக்கிறார் இயக்குனர் சீனிவாசன். ஆரம்ப காட்சிகள் மெதுவாக நகர்ந்தாலும் போகப்போக கதைக்குள் இழுத்துக் கொள்கிறது.
ரெயிலில் வருவதாக பொய் சொல்லி விட்டு பைக்கில் பயணிக்கும் ஈடன், வெங்கடேஷிடம் சிக்கி விடுவாரோ என்ற படப்படப்பை ஏற்படுத்தும் பிற்பகுதி திரைக்கதை படத்திற்கு பலம். கிளைமாக்ஸ் காட்சிகள் மனதில் நிற்கிறது. ஒளிப்பதிவின் மூலம் அழகுப்படுத்தியுள்ளனர் வாசன் மற்றும் அன்பு. நரேஷின் பின்னணி இசை படத்தின் நீரோட்டத்தில் பயணிக்க வைத்துள்ளது. மொத்தத்தில் துரிதம் – விறுவிறுப்பு
- இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
