படத்தில் நாயகனாக நடித்திருக்கும் மகேந்திரன் துறுதுறுவென இருக்கும் இளைஞனாக நடித்திருக்கிறார். சில இடங்களில் சிரிக்க வைத்தாலும் சில இடங்களில் செயற்கை தனமான நடிப்பை வெளிப்படுத்தி இருக்கிறார். நாயகியாக வரும் ஆரத்தி பொடி அழகாக வந்து அளவான நடிப்பை கொடுத்து இருக்கிறார். பேயாக வந்து மிரட்டும் ஶ்ரீனியின் நடிப்பு சிறப்பு. இவருக்கு ஜோடியாக வரும் காவ்யா அழகு. இருவருக்கும் இடையேயான காதல் காட்சிகள் அருமை. மகேந்திரனின் நண்பர்களாக வரும் நோபல் மற்றும் மாரி கொடுத்த வேலையை சிறப்பாக செய்து இருக்கிறார்கள். பேய் கதையை மையமாக வைத்து படத்தை இயக்கி இருக்கிறார் இயக்குனர் அருண் கார்த்திக்.
இதில் ஜாதி, காதல், துரோகம், நட்பு, காமெடி என திரைக்கதை அமைத்திருக்கிறார் இயக்குனர். காமெடி காட்சிகள் பெரியளவில் கைக்கொடுக்கவில்லை. பிளாஷ்பேக்குள் பிளாஷ்பேக் வைத்து திரைக்கதையை குழப்பி இருக்கிறார். காதல் காட்சிகள் ரசிக்க வைத்தாலும், அடுத்தடுத்து வரும் பாடல் காட்சிகள் தோய்வை ஏற்படுத்துகிறது. துவாகரா தியாகராஜனின் இசையில் பாடல்கள் அனைத்தும் சுமார் ரகம். பின்னணி இசையை ஓரளவிற்கு ரசிக்க முடிகிறது. தளபதி ரத்தினத்தின் ஒளிப்பதிவு சிறப்பு. மொத்தத்தில் ரிப்பப்பரி – சுவாரஸ்யம் குறைவு.
- இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
