படத்தில் நாயகனாக நடித்திருக்கும் ஜீவா இளமை துள்ளலுடன் நடித்திருக்கிறார். எஸ் எம் எஸ் படத்தில் பார்த்த அதே ஜீவாவை இப்படத்தில் பார்க்க முடிகிறது. இவரின் இயல்பான டைமிங் காமெடி நன்றாக கைகொடுத்திருக்கிறது. அப்பா, அம்மாவிடமே கலாய்க்கும் காட்சியும் காஷ்மீரா பிரக்யா இருவரிடமும் மாட்டிக்கொண்டு திணறும் போதும் ரசிக்க வைத்திருக்கிறார். கிளைமேக்ஸ் காட்சி வரை ஜீவா முழு வேகத்துடன் களம் இறங்கி ஆடியிருக்கிறார். ஜீவாவுக்கு தோள் கொடுத்துக் கலக்கி இருக்கிறார் வி.டி.வி. கணேஷ். இவர் நீண்ட நாட்களுக்குப் பிறகு நகைச்சுவையில் கொடி நாட்டியிருக்கிறார். கண்ணாடியில் கோடு போடும் அந்த நகைச்சுவை இன்னும் பல நாட்களுக்குப் பேசப்படும்.
கே.எஸ்.ரவிக்குமாரின் பழைய காதலி சந்திப்பு சரவெடி சிரிப்பு. பெண்களுக்கு ஆட்டோகிராப் இருக்கக்கூடாதா என்ற சரண்யாவின் கேள்வி பல இல்லத்தரசிகளின் குரலாக ஒலிக்கிறது. கல்யாண மண்டப நகைச்சுவை காட்சி கைதட்டல். காஷ்மீரா, பிரக்யா ஆகியோர் நன்றாக நடித்திருக்கிறார்கள். சந்தோஷ் ராஜன் திரைக்கதையில் இன்னும் கொஞ்சம் விறுவிறுப்பு சேர்த்திருக்கலாம். இன்றைய சூழலுக்கு குடும்பத்துடன் சென்று பார்த்து வர நல்ல பொழுதுபோக்கு படமாக அமைந்திருக்கிறது. ஷான் ரஹ்மான் இசை நகைச்சுவை படத்திற்கு ஏற்ற இசை. சக்தி சரவணன் ஒளிப்பதிவு படத்தின் முக்கிய அங்கமாக இருக்கிறது.
மொத்தத்தில் வரலாறு முக்கியம் காமெடி கலாட்டா.
- இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
