ஏ.ஆர்.ரகுமான் இசையில் படத்தின் பின்னனி இசையும், பாடல்களும் கவனத்தைப் பெற்றுள்ளன. குறிப்பாக ‘மல்லிப்பூ’ பாடலும், அதன் காட்சியமைப்பும் ரசிகர்களை வெகுவாக கவர்ந்துள்ளது. இப்படத்தின் இரண்டாம் பாகம் இரண்டு ஹீரோக்களை கொண்ட படமாக இருக்கும் என்று சமீபத்தில் நேர்க்காணல் நிகழ்ச்சி ஒன்றில் இயக்குனர் கவுதம் மேனன் கூறியிருந்தார்.
இதையடுத்து படத்தின் வெற்றியை கொண்டாடும் விதமாக தயாரிப்பாளர் ஐசரி கணேஷ் நடிகர் சிம்புவுக்கு ‘டொயோட்டா வெல்ஃபையர்’ சொகுசு கார் ஒன்றையும் இயக்குனர் கவுதம் மேனனுக்கு ‘ராயல் என்ஃபீல்ட்’ பைக்கையும் பரிசாக வழங்கினார். இந்நிலையில், நடிகர் கூல் சுரேஷுக்கு ஐபோன் ஒன்றை ஐசரி கணேஷ் பரிசளித்துள்ளார். இது தொடர்பான புகைப்படங்கள் சமூக வலைதளத்தில் வைரலாகி வருகின்றன.
‘வெந்து தணிந்தது காடு’ திரைப்படத்திற்கு நடிகர் கூல் சுரேஷ் செல்லும் இடமெல்லாம் புரொமோஷன் செய்து வந்தார் என்பது குறிப்பிடத்தக்கது.
- இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
