தமிழ் திரையுலகில் முன்னணி நடிகராக இருக்கும் விஜய் சேதுபதி, தற்போது இந்தி வெப் தொடரில் நடித்து வருகிறார்.
கோலிவுட்டில் பிசியான நடிகராக வலம்வரும் விஜய் சேதுபதி, தற்போது இந்தியில் தயாராகும் வெப் தொடரில் நடித்து வருகிறார். இந்த வெப் தொடரை பிரபல பாலிவுட் இயக்குனர்களான ராஜ் மற்றும் டீகே இணைந்து இயக்குகின்றனர். இந்த வெப் தொடரில் விஜய் சேதுபதியுடன் பாலிவுட் நடிகர் ஷாகித் கபூரும் இணைந்து நடிக்கிறார். இதன் படப்பிடிப்பு தற்போது நடைபெற்று வருகிறது.
இந்நிலையில், இந்த வெப் தொடரில் நடிகை ராஷி கண்ணா ஹீரோயினாக நடிக்க ஒப்பந்தமாகி உள்ளார். இதனை டுவிட்டர் பதிவு மூலம் உறுதிப்படுத்தி உள்ள ராஷி கண்ணா, படப்பிடிப்பு தளத்தில் விஜய் சேதுபதியுடன் எடுத்த செல்பி புகைப்படத்தையும் பகிர்ந்துள்ளார்.
அந்த பதிவில், என்னுடைய பேவரைட் நடிகருடன் மூன்றாவது முறையாக இணைகிறேன், இந்த முறை இந்தியில் என குறிப்பிட்டுள்ளார். நடிகை ராஷி கண்ணா ஏற்கனவே விஜய் சேதுபதியுடன் சங்கத் தமிழன், துக்ளக் தர்பார் ஆகிய படங்களில் நடித்துள்ளார் என்பது குறிப்பிடத்தக்கது.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
