நெல்சன் இயக்கத்தில் உருவாக உள்ள தளபதி 65 படத்திற்கு ஒளிப்பதிவு செய்ய பிரபல ஒளிப்பதிவாளர் ஒப்பந்தம் ஆகி உள்ளதாக கூறப்படுகிறது.
நடிகர் விஜய்யின் 65-வது படத்தை நெல்சன் இயக்க உள்ளார். இப்படத்தை தற்காலிகமாக ‘தளபதி 65’ என அழைத்து வருகின்றனர். சன் பிக்சர்ஸ் நிறுவனம் தயாரிக்க உள்ள இப்படத்திற்கு அனிருத் இசையமைக்கிறார். தற்போது இந்த படத்தில் நடிக்கும் இதர நடிகர், நடிகைகள் மற்றும் தொழில்நுட்ப தேர்வு நடைபெற்று வருகிறது.
இந்நிலையில், தளபதி 65 படத்திற்கு பிரபல ஒளிப்பதிவாளர் மனோஜ் பரமஹம்சா ஒளிப்பதிவு செய்ய உள்ளதாக தகவல் வெளியாகி உள்ளது. இவர் ஏற்கனவே கடந்த 2012-ம் ஆண்டு விஜய் நடிப்பில் வெளியான நண்பன் படத்திற்கு ஒளிப்பதிவு செய்திருந்தார். தற்போது 9 ஆண்டுகளுக்கு பின் மீண்டும் விஜய்யுடன் இணைந்துள்ளார்.
தளபதி 65 படத்தில் நடிக்கும் நடிகர், நடிகைகள் மற்றும் தொழில்நுட்ப கலைஞர்கள் குறித்த அறிவிப்பு அடுத்த மாதம் வெளியாகும் என கூறப்படுகிறது. படப்பிடிப்பை ஏப்ரல் மாதம் தொடங்க திட்டமிட்டுள்ளனர்.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
